豊勝手丼 (Moved) New Location

同鍾情日本野嘅朋友係銅鑼灣覓食，揀左豊勝手丼呢間餐廳，主打魚生丼飯，細細間唔係好起眼，估唔到食物質素唔錯！馥の丼 $238我特別鍾意火炙帶子，所以揀左呢個飯，大大塊嘅帶子有成六片，圖文相符！！！用火槍炙燒過增添滋味，但係又唔會影響其軟嫩嘅口感，正！加埋黑松露略有西式風味。季節魚廚師發辦 $258朋友點嘅丼就相對雜錦，由多種魚生拼拼湊而成。其中我最欣賞嘅就係厚切嘅真鯛，突出其彈性。以上嘅價錢係包埋前菜、配料同埋麵豉湯，所以真係幾抵食！酸媚媚嘅嘅沙律真係好新鮮好開胃。原來呢度仲有御膳餐牌，見到隔離檯食鹽燒安格斯牛肉好似都幾好味，一於下次黎試下。