金鮨 (Closed)

附近有間咁高質嘅魚生飯真係好正啊！有好多唔同配套嘅魚生，而且呢個價錢佢係超級新鮮，仲要好厚，如果你揀碗嘢入邊有其他樣嘢唔想食或者想轉其他呢，亦都可以根據餘生嘅價錢去轉換㗎。基本上一定啱你口味。今次我揀呢一個係有吞拿魚蓉，三文魚腩，海膽同埋赤背，仲有我最鍾意嘅帶子。個帶子真係有厚又甜，海膽其實每一次都有機會係比唔同海膽嚟嘅，睇吓嚟貨係邊度咁其實價錢都會有唔同，如果想要高級啲都可以加錢轉㗎。提一提，因為小店樓面有限，其實都係得幾個位，如果你想堂食嘅話真係最好book定定位。