鮨見 (Closed)

今日同媽媽去食好西, 食咗佢一路都好想食嘅omakase。 難得出街食好嘢一於豪盡佢。 餐廳晚市提供兩種套餐：春套餐（1498/人）同見套餐（1798/人）。見套餐比春套餐多左兩點刺身/海膽杯/湯/甜品，但少左一舊壽司。比多300蚊有多甘多野食，比我再揀多次，應該都係會揀見套餐😂😂😂我唔知兩個套餐嘅刺身同壽司有咩唔同，但我覺得見套餐嘅刺身同壽司都好名貴同新鮮。個套餐雖然貴，但值得。🙈🙈🙈呢度魚肝好creamy, 有啲似鵝肝。醬汁同青瓜中和咗肥膩感。呢個配搭幾好。呢度北海道鮑魚加鮑魚膽汁令我好驚喜。鮑魚好大隻，好彈牙，好鮮甜。我最鍾意嘅係佢嘅鮑魚膽汁，有啲似蟹膏嘅味道，真係好正！師父仲畀左啲壽司飯我撈膽汁食。我媽媽好鐘意佢嘅北寄貝。佢話好大隻好新鮮好鮮甜。師傅係我地面前處理，切到好靚。呢度係火焰北海道帶子左口魚。左口魚被火焰後，成嚿擺落口度，面頭係燒到焦香暖暖哋嘅左口魚，充滿油香，下面係凍凍地非常鮮甜嘅北海道帶子。宜家諗返起真係流曬口水。。。海膽丼飯：師傅鋪咗好厚好厚嘅海膽，面頭再放咗隻甜蝦。 呢碗嘢出街食應該要成三百蚊。好甜好creamy。最後仲有碗魚湯。 佢唔係求其畀碗麵豉湯我哋。飲