莆田 (利舞臺廣場)

Open Now

Now Closed

今晚去銅鑼灣買嘢，順便上去試下間福建莆田菜。第一個驚喜！前菜洋白菜，酸酸地真心好開胃，同時另一個驚喜，個茶，雖然我冇飲開茶都冇咩品茶習慣，但係都覺得好香好舒服盒味道。接下來，食咗個精美四小拼，蝦苗紫菜甜甜地幾抵讚，豬蹄凍就一舊舊，仲有豆腐同筍。然後點咗鐵板鹽焗蟶子，一開始唔識食，以為就咁剝開食，仲諗住自己叫錯，可能清蒸仲鮮，後來發現係點鹽食，唔錯！上菜都幾快，另外叫咗碟參巴爆蟶肉，參巴醬配蟶子味道非常惹味！興化炒米粉配辣媽醬又係個真心的驚喜，辣醬好有東南亞風味，同幼細煙韌嘅米粉好配搭！紫菜扁肉湯扁肉配上微酸既湯底，清清地又飲咗一碗啦~每碟分量好夠，兩個人以為細細碟最後就點咗三人份量啦。最後最後，真心推介前菜，真心對坐低個前菜依依不捨！