酒鍋 (天文臺道) (Closed)

湯底方面係黃金美人鍋，即係花膠雞湯鍋，食落去好濃，啲湯好好飲。花膠、雞、豬肚放係一個碗自己落，淥一陣就可以拎返上嚟食，好嫩滑原汁原味👍🏻材料份量十足。海鮮拼盤好靚，有扇貝、聖子、海蝦、蜆，扇貝好大粒好正，食落真係好鮮甜，要小心控制淥嘅時間，淥太耐唔得架。聖子都好鮮甜😀黑毛和牛，有少少油脂，同時有肉香唔會過於肥，牛質素高肉質軟嫩，滿口都係肉香。芝士蝦丸好正，無諗過入面係有流心芝士，勁香勁濃。蔬菜拼盤：包括娃娃菜、南瓜、蕃茄等等，全部都靚。