Video
Read full review
2020-10-25
177 views
呢間cafe喺香港大學附近，行上斜路再轉一條街就到，裝潢係走型格簡約風，黑色為主調，佢有兩層，同埋對面嘅空間，間cafe都算大。老闆好親切友善，會介紹menu嘅嘢食同推介嘅咖啡，上菜同埋單嘅時候都會問返我哋個feedback，令我感受到老闆嘅熱誠，有心打理好間小店。間店得老細同一兩個店員，亦都比較多客，就算等得比較耐，都唔會覺得俾人冷落咁。果時我又未去到好肚餓，所以更可以慢慢等，食物同咖啡嘅質素話俾我哋知，係值得等。大家可以多多支持高質嘅小店～📍All Day Breakfast $90一上菜就覺得隻蛋煎得好靚！食落好滑，蛋香味好濃，野菇嘅味道突出，牛角包好香脆，腸仔唔會話好鹹，有啲可惜嘅係果時三文魚冇哂，如果唔係就更完整📍Daily Pasta $65份量略少，老闆話有黑松露，但好似唔見有😂 應該係芝士野菌忌廉意粉，再加埋豆角，不過啲汁唔會好漏，食落一啲都唔覺得heavy，啱啲想食得健康、清淡啲嘅朋友📍Irish Latte hot $38 cold $42呢個係老闆主推嘅latte（另外佢都推介dirty)，佢話有酒香味，我飲落係好濃嘅咖啡豆味，初時飲落
呢間cafe喺香港大學附近，行上斜路再轉一條街就到，裝潢係走型格簡約風，黑色為主調，佢有兩層，同埋對面嘅空間，間cafe都算大。老闆好親切友善，會介紹menu嘅嘢食同推介嘅咖啡，上菜同埋單嘅時候都會問返我哋個feedback，令我感受到老闆嘅熱誠，有心打理好間小店。間店得老細同一兩個店員，亦都比較多客，就算等得比較耐，都唔會覺得俾人冷落咁。果時我又未去到好肚餓，所以更可以慢慢等，食物同咖啡嘅質素話俾我哋知，係值得等。大家可以多多支持高質嘅小店～
📍All Day Breakfast $90
一上菜就覺得隻蛋煎得好靚！食落好滑，蛋香味好濃，野菇嘅味道突出，牛角包好香脆，腸仔唔會話好鹹，有啲可惜嘅係果時三文魚冇哂，如果唔係就更完整
📍Daily Pasta $65
份量略少，老闆話有黑松露，但好似唔見有😂 應該係芝士野菌忌廉意粉，再加埋豆角，不過啲汁唔會好漏，食落一啲都唔覺得heavy，啱啲想食得健康、清淡啲嘅朋友
📍Irish Latte hot $38 cold $42
呢個係老闆主推嘅latte（另外佢都推介dirty)，佢話有酒香味，我飲落係好濃嘅咖啡豆味，初時飲落唔覺得有咩特別，可能我本身唔算好鍾意咖啡，又唔識飲，但慢慢逐啖飲，係會覺得有層次感，愈嚟愈覺得好飲，感受到咩叫真正嘅嘆咖啡
📍Intense Love $45
Menu話係當中有80%黑朱古力嘅Espresso，咖啡豆味一樣香濃，慢慢都會飲到黑朱古力，同樣有層次感
📍Daily Homemade Dessert $45
是日甜品係竹炭豆腐芝士蛋糕，蛋糕嘅質感好滑，竹炭豆腐味道好重，唔會俾芝士遮蓋到
Post
