美味故事 (Closed)

呢間係我食過其中一間環境最好食物又好味的黃店cafe🎗️💛。 佢個裝修同設計似日式 mix 西試,令人坐得好舒服。 我同朋友坐左大約兩個鐘,店員冇吹我地之餘仲不停幫我地斟水😂食物方面,我地叫左一個慢煮牛扒拿破崙意粉,同卡邦尼意粉既 lunch set, 有湯,沙律同飲品。 佢地的意粉唔係用好多醬汁做底,所以食落唔會好肥膩。拿破崙意粉係用鮮蕃茄令個意粉有蕃茄味。牛扒的口感同味道配合得好好,六成熟帶出鮮牛肉的味道。價錢合理,環境,服務同食物的味道都係高質。