ME TIME CAFE (Closed)

因為今日要陪太子女打泰拳， 於是決定早啲去九龍灣附近食啲嘢。 見到一間小店門口裝修幾特別又好有誠意， 門口介紹嘅食物亦唔差，於時便入去試試。 餐廳入面環境唔係太大，但係坐得算舒適， 唔會話好逼夾。 員工也好禮貌地簡單介紹食物， 令顧客感覺良好。 相信喺附近返工嘅人，一定經常幫襯呢一間小店。豬扒飯好大塊豬扒！ 羅宋湯好飲， 呢一個要畀一個讚！ 湯烏冬反而就冇乜驚喜， 只是屬於飽肚之選！ 另外意粉亦相當好味，very creamy!