R.I.M.K (Closed)

有一晚上咗嚟呢間Cafe度食嘢，舖頭細細，但係嘢食嘅味道拍得住五星級酒店，叫咗兩個主菜-蒜香辣椒蜆肉意大利粉配軟殼蟹同埋黑松露野菌意大利飯，先講吓個意粉先，嚟到賣相非常之出色，擺盤好靚，做到好立體，軟殼蟹唔細隻，口感都唔錯，因為都有啲肉地，意粉份量都唔算少，如果係一個人食都足以夠飽，味道好香蒜味，有啲黑椒，有啲蜆肉仔配料，蜆肉仔都多，下一個無論賣相以及味道都唔差嘅主菜，再加上用石頭盛器，能夠可以保持意大利麵嘅溫度，因為好多時食食吓會好快凍就唔好食，但係呢度嘅就用咗能夠keep溫度嘅石頭盛器去裝，細心為做得好好👍👍👍另外黑松露野菌意大利飯，好香黑松露味，野菌配料亦都好足夠，意大利飯唔會煮得太軟，飯都算叫做粒粒分明，味道亦都好足夠，😍然後就叫咗個小食-脆炸無激素雞翼配香辣蛋黃醬，雞翼用咗無激素雞翼，其實我食唔出有啲咩分別，可能比較健康，炸粉唔會好多，能夠做到表層薄薄脆口，內裏軟滑Juice，至於香辣蛋黃醬個人認為冇乜辣味，但整體呢款小食唔差，賣相都唔錯，真係值得推介👍👍👍飲品我哋就叫咗一杯菠蘿柚子梳打同埋一杯荔枝蜜桃茶，兩杯都非常足料，要菠蘿柚子嘅有菠蘿柚子，要蜜桃荔枝嘅有蜜桃荔枝，仲有加