L'AMOUR

朋友介紹呢間法國菜，放工同老公試下，果然賣相同食物都非常高質。我哋叫咗6 courses，老公飲蘋果cocktail ，我飲紅酒。巴馬火腿果仁沙律賣相好靚，巴馬火腿整成一朵花，配上青瓜絲沙律菜和果仁非常清新。牛筋野菌忌廉濃湯好鍾意呢個湯，入口順滑，帶有香濃菇味，食到菇粒，好足料，濃郁可口，真係非常正。加上牛肝菌，個湯好有層次，貴餐廳先有。自家製腩花蟹餅蟹餅係西餐常見嘅頭盤菜式，賣相一流，表面炸得香脆，內𥚃充滿柔軟的蟹肉，好清新開胃。慢煮西班牙黑毛豬鞍焦糖蘋果豬鞍厚身，煎得好香，我個塊有少少韌。老公個塊就肉質彈牙juicy，唔多醬汁但嚐到肉本身味道。鍾意配上蘋果蓉，好清新唔膩。比利時朱古力心太軟本身已經十成飽，但呢個甜品難以抗拒。朱古力香濃但唔會太甜，口感綿密，入口即化，非常喜歡。完美的一餐。