Video
Read full review
2023-05-04
47 views
今日同老公去太古睇完戲，再去附近AEON shopping買嘢。剛巧行過呢間西餐廳，行到咁攰，咁就不如坐低食個飯先。呢間餐廳在AEON三樓，木紋地板，走簡約路線，環境乾淨整齊，入到去見到full晒。空間感幾大，座位寬闊，坐得幾舒服。餐牌都幾多選擇，有單點，亦有set dinner。老公發辦叫左兩個set dinner，另外加左兩個半自助餐。半自助餐：分左兩邊，一邊係餐湯餐飽同炸物，另一邊係沙律菜同甜品。set dinner另加38蚊就有，見到勁豐富，個價錢絕對抵食，而重點係：「任食！」餐湯、餐飽及炸物：餐湯係南瓜湯，好飲喎。炸物係地瓜球、麥樂雞同炸春卷，可配沙律醬同蒜蓉芝士醬，全部keep住熱，好食，亦都係我本身鐘意嘅炸物。沙律菜：有枝豆粟米煙肉沙律、紅蔥頭蘋果沙律同鰻魚沙律，3款沙律菜新鮮，調味幾好。另外仲有火腿、鴨胸同羊柳蕃茄莎莎等，呢D擺放整齊企理，羊柳蕃茄莎莎幾好食，羊柳味道唔會太重，配埋蕃茄莎莎食幾fresh。M7和牛Rumcap白甘筍薯蓉配風乾煙肉露筍卷：賣相吸引，切開紅紅地，剛好嘅5成熟，煮嘅時間控制得幾好，呢度食材優質，完全無浪費佢。和牛夠厚身，容易切開，入口帶肉汁，質
呢間餐廳在AEON三樓，木紋地板，走簡約路線，環境乾淨整齊，入到去見到full晒。空間感幾大，座位寬闊，坐得幾舒服。
餐牌都幾多選擇，有單點，亦有set dinner。老公發辦叫左兩個set dinner，另外加左兩個半自助餐。
半自助餐：分左兩邊，一邊係餐湯餐飽同炸物，另一邊係沙律菜同甜品。set dinner另加38蚊就有，見到勁豐富，個價錢絕對抵食，而重點係：「任食！」
餐湯、餐飽及炸物：餐湯係南瓜湯，好飲喎。炸物係地瓜球、麥樂雞同炸春卷，可配沙律醬同蒜蓉芝士醬，全部keep住熱，好食，亦都係我本身鐘意嘅炸物。
沙律菜：有枝豆粟米煙肉沙律、紅蔥頭蘋果沙律同鰻魚沙律，3款沙律菜新鮮，調味幾好。另外仲有火腿、鴨胸同羊柳蕃茄莎莎等，呢D擺放整齊企理，羊柳蕃茄莎莎幾好食，羊柳味道唔會太重，配埋蕃茄莎莎食幾fresh。
M7和牛Rumcap白甘筍薯蓉配風乾煙肉露筍卷：賣相吸引，切開紅紅地，剛好嘅5成熟，煮嘅時間控制得幾好，呢度食材優質，完全無浪費佢。和牛夠厚身，容易切開，入口帶肉汁，質感淋，重牛味，唔駛點醬汁，原汁原味仲好食。旁邊配菜都幾多款，樣樣都有D，我就幾鐘意食果個薯蓉，好creamy又夠味。
扒安格斯西冷牛扒配黑松露野菌忌廉汁：牛扒同樣處理得好好，都係紅紅地，5成熟。老公話安格斯夠厚身，食落油花豐富，厚實有質感，老公話幾好食。
甜品：每款一件，有芝士蛋糕同麻糬等。芝士蛋糕鹹鹹甜甜，麻糬綠茶味，一口一啖，樣樣都食到，整體都OK喎。
凍抹茶鮮奶紅豆：老公話抹茶味濃，鮮奶味重，紅豆一粒粒唔太硬，唔太甜，佢幾鐘意。凍碟豆花梳打：夠甜夠凍，紫紫地色，用黎打卡都唔失禮。
Post
