鮨鶴日本料理 (Closed)

新正頭~當然要同朋友食開年飯! 亦都要食餐好嘅黎個新開始~一於冒名黎呢間隱世OMAKASE!餐廳環境清幽而又有日本風情，配上柔和的燈光，最岩同朋友聚舊談心。坐下有師傅送上漬物:咸菜柚子蘿蔔，清新又鮮甜，馬上胃口倍增。再來就是螢光魷魚，非常新鮮又爽口彈牙，小編獨愛酸酸甜甜的柚子醬﹗然後有北海道珍蠔，肉質肥厚，仲有啖啖海水咸味，食過番尋味呢﹗接著有穴子苗，口感河粉般，「薯」一聲就入口了。仲有海膽湯葉，一食即諗起上年係京都時食嘅豆腐宴，湯葉本身充滿豆製品嘅味道，然後加上鮮甜嘅海膽，好清新嘅味道，無諗過會禁夾。呢個燒海膽帶子配上香脆的紫菜，簡直是最佳配搭﹗帶子在火灸後呈半溶狀態，入口即溶。酒盜是魚的內臟和鹽的發醇，食落都唔會太腥，連唔食內臟嘅小編都接受到其中拖羅壽司食落油脂夠香，再加上係魚肉上面斜劃幾刀，令魚油爆發出來！正！仲有吞拿魚手卷都好正，吞拿魚同飯嘅比例相約，而且分佈平均，一淡咬落，唔會覺得飯多過吞拿魚，再講一次，紫菜勁脆啊！！！針魚壽司我都好鐘意啊，佢地壽司飯嘅醋用赤醋調味，味道唔會獨酸，而且唔洗點任何醬料，可以更帶出魚生嘅鮮甜味道。最後係一碗熱辣辣，而且用上7種時令鯛魚煮成的魚湯。