Video
Read full review
2018-09-29
175 views
今晚同朋友去中環the loop食dinner朋友聽人講話瀧好好食 就帶埋我去試下果然冇介紹錯兩個都要左Kiwami OmakaseStarter係京都竹荀用左菠菜同麵豉醬mix埋食落感覺清新爽口都幾開胃Appentizer係最近新出既鵪鶉蛋、菱角、花螺同埋柚子豆腐鵪鶉蛋裡面唔係蛋黃而係海膽夠哂驚喜 食落幾特別菱角好香口花螺大隻得黎 新鮮彈牙 帶點點海水既鮮味豆腐食落好綿好滑 同平時食既豆腐好唔同Soup係粟米湯 係凍既 飲落好creamy上面係銀杏天婦羅 即係中國人既白果超特別 第一次食銀杏天婦羅 沾一沾粟米湯食食落有nuts既香口 又有湯既幼滑Sashimi有幾款 款款都好新鮮 肉質爽口鮮甜 魚身又帶點甘香個人最鐘意厚切既拖羅同埋黑鯥魚跟住到tempura調味料有海鹽、綠茶葉同檸檬汁3款而蘿蔔絲上枱前已經調好味道 唔需要再沾任何tempura sauce天婦羅有4款海蝦好大隻 爽脆彈牙 即炸果然係唔同d只需要沾少少海鹽食就已經滿足哂味蕾沙鎚魚第一次食 啖啖都係肉魚肉鮮嫩 外表香脆都係加上少少鹽 味道就已經足夠日本紅衫魚 配上海膽汁下面係仲有菇伴碟鮮甜既魚肉配搭海膽汁既濃郁Perfe
朋友聽人講話瀧好好食 就帶埋我去試下
果然冇介紹錯
兩個都要左Kiwami Omakase
Starter係京都竹荀
用左菠菜同麵豉醬mix埋
食落感覺清新爽口
都幾開胃
Appentizer係最近新出既鵪鶉蛋、菱角、花螺同埋柚子豆腐
鵪鶉蛋裡面唔係蛋黃而係海膽
夠哂驚喜 食落幾特別
菱角好香口
花螺大隻得黎 新鮮彈牙 帶點點海水既鮮味
豆腐食落好綿好滑 同平時食既豆腐好唔同
Soup係粟米湯 係凍既 飲落好creamy
上面係銀杏天婦羅 即係中國人既白果
超特別 第一次食銀杏天婦羅
沾一沾粟米湯食
食落有nuts既香口 又有湯既幼滑
Sashimi有幾款 款款都好新鮮
肉質爽口鮮甜 魚身又帶點甘香
個人最鐘意厚切既拖羅同埋黑鯥魚
跟住到tempura
調味料有海鹽、綠茶葉同檸檬汁3款
而蘿蔔絲上枱前已經調好味道 唔需要再沾任何tempura sauce
天婦羅有4款
海蝦好大隻 爽脆彈牙 即炸果然係唔同d
只需要沾少少海鹽食就已經滿足哂味蕾
沙鎚魚第一次食 啖啖都係肉
魚肉鮮嫩 外表香脆
都係加上少少鹽 味道就已經足夠
日本紅衫魚 配上海膽汁
下面係仲有菇伴碟
鮮甜既魚肉配搭海膽汁既濃郁
Perfect match
Hot dish係煮長竽配海膽汁
長竽綿滑 海膽汁帶出長竽既甜
呢道hot dish 既可以去左天婦羅既油膩感
又可以比口腔ready下一道菜
跟住到我成晚既favourite!
熊本西冷加慢煮完再燒既牛肩肉
西冷有入口即溶既感覺
牛肩入口好rich
兩款油脂分佈平均
肉質鮮嫩微紅
可以配埋wasabi 炸蒜 或者海鹽一齊食
茶漬飯
上面有脆米、梅冰同埋木魚
飯團都幾綿 但又有脆米既爽脆
又充滿梅子既清香甜美
甜品係宮崎原條蕃薯
花時一個鐘整出黎 極花心機功夫
連皮都食得 食落好香好綿滑
先沾白蘭地 再沾糖 一齊食
味道好特別好rich
最後食埋超甜既蜜瓜同提子
清新香甜
超級滿足既一餐！
Post
