Video
Read full review
2023-08-31
1591 views
媽咪生日當然要帶佢食好野，已經預早一個幾月book位request window seat，但去到原來5位係冇得坐窗邊位架，因為最多只可以坐4人，其實餐廳可以同客人講聲會更加好⋯🙂沙薑蟶子皇蟶子新鮮爽口，份量亦不少，但味道偏淡食唔出沙薑味，適合口味清淡人士😅涼拌南非鮑魚鮮柚子新鮮嘅南非鮑魚切片配上柚子，煙韌又彈牙，正👍🏻龍井燻太爺雞一打開就聞到濃濃嘅煙燻香味，食落有一種淡淡嘅茶葉香，雞肉雞皮都十分嫩滑，不愧為招牌菜之一鴛鴦蝦球黃金蝦球同蜂蜜芥末蝦球雙拼，黃金蝦球似翻炸，個皮好硬唔酥脆，反而蜂蜜芥末蝦球就幾好食，彈牙爽口，醬料味道令蝦球更清爽開胃柚子黑鱈魚件鱈魚切粒炸過後裹上酸酸甜甜嘅醬汁，魚肉外脆內滑，仲有啲拔絲嘅感覺，配上柚子一齊食味道更加清新羊肚菌蘆筍炒帶子推介👍🏻超大粒嘅帶子輕輕煎過，生熟程度啱啱好，唔會老，肉質肥厚又嫩，加入蘆筍羊肚菌，健康又美味嘅菜式咕嚕鬈毛脆豬咕嚕肉外脆內軟，配上蜜桃同青椒，味道酸酸甜甜，亦減低咗油膩感避風塘茄子以避風塘嘅方式去烹調，令茄子更加香口又惹味，外面酥脆茄子軟稔，一條接一條食唔停口斑片肉鬆脆米魚湯泡飯魚湯香濃鮮甜冇腥味，配上粒粒脆米，口感豐富桂花蟹
沙薑蟶子皇
蟶子新鮮爽口，份量亦不少，但味道偏淡食唔出沙薑味，適合口味清淡人士😅
涼拌南非鮑魚鮮柚子
新鮮嘅南非鮑魚切片配上柚子，煙韌又彈牙，正👍🏻
龍井燻太爺雞
一打開就聞到濃濃嘅煙燻香味，食落有一種淡淡嘅茶葉香，雞肉雞皮都十分嫩滑，不愧為招牌菜之一
鴛鴦蝦球
黃金蝦球同蜂蜜芥末蝦球雙拼，黃金蝦球似翻炸，個皮好硬唔酥脆，反而蜂蜜芥末蝦球就幾好食，彈牙爽口，醬料味道令蝦球更清爽開胃
柚子黑鱈魚件
鱈魚切粒炸過後裹上酸酸甜甜嘅醬汁，魚肉外脆內滑，仲有啲拔絲嘅感覺，配上柚子一齊食味道更加清新
羊肚菌蘆筍炒帶子
推介👍🏻超大粒嘅帶子輕輕煎過，生熟程度啱啱好，唔會老，肉質肥厚又嫩，加入蘆筍羊肚菌，健康又美味嘅菜式
咕嚕鬈毛脆豬
咕嚕肉外脆內軟，配上蜜桃同青椒，味道酸酸甜甜，亦減低咗油膩感
避風塘茄子
以避風塘嘅方式去烹調，令茄子更加香口又惹味，外面酥脆茄子軟稔，一條接一條食唔停口
斑片肉鬆脆米魚湯泡飯
魚湯香濃鮮甜冇腥味，配上粒粒脆米，口感豐富
桂花蟹肉炒新竹米粉
真材實料，米粉炒得乾身彈牙，加入肉絲蟹肉芽菜，每啖都食到唔同嘅食材，上面在灑上黑芝麻更加香口
甜品拼盤
適合生日打卡影相，超吸睛，媽咪都表示好滿意🫶🏻
📍六公館 (尖沙咀)
尖沙咀廣東道3-27號海港城海運大廈地下OTE 101號舖
人均消費：$800-900
食物：⭐️⭐️⭐️⭐️
環境：⭐️⭐️⭐️⭐️⭐️
回頭率：⭐️⭐️⭐️⭐
Post
