Video
Read full review
2021-10-04
1703 views
2021年10月2 日 晴好耐之前見到見到呢間個價都幾親民, 就一心諗住]男朋友生日個陣黎慶祝(私心)因為怕冇位所以早一個月就book 定, 而餐廳大約早一星期wtsapp 同你confirm menu.難得食fine dine而且價錢又ok, 我地決定叫4-course + signature dish, 一於試曬佢。因為我地book 左1:30pm, 1點個陣已經好肚餓, 心諗: gg 了, 法國菜唔係又係碟又食得慢, 我會唔會餓死...而今次...原全癲覆左我對法國菜ge 感想。一去到, 餐廳個感覺好光猛潔淨, 兩邊都間左房所以我地個area 得返我地呢枱, 靜靜地幾好。坐底冇耐之後店員就放底左碟餐前小食, 一籃包同問我地要唔要水。估下枝水幾錢? 最尾開估Amuse Bouche蜜瓜珍珠 - 分子料理咁款, 食落口甜甜地幾清新, arm 曬我地arm arm 到, 個人仲好熱ge 時候食。上面仲有塊脆片(好似乳豬皮咁)喊喊地, 配埋一齊又幾好食面包 - 一共有三款, 牛角包, 香草包, 同普通面包。牛角包好脆, 香草包好香香草味。香草包同普通個隻包出面烘到脆脆地但又唔會整到個包好
好耐之前見到見到呢間個價都幾親民, 就一心諗住]男朋友生日個陣黎慶祝(私心)
因為怕冇位所以早一個月就book 定, 而餐廳大約早一星期wtsapp 同你confirm menu.
難得食fine dine而且價錢又ok, 我地決定叫4-course + signature dish, 一於試曬佢。
因為我地book 左1:30pm, 1點個陣已經好肚餓, 心諗: gg 了, 法國菜唔係又係碟又食得慢, 我會唔會餓死...
而今次...原全癲覆左我對法國菜ge 感想。
一去到, 餐廳個感覺好光猛潔淨, 兩邊都間左房所以我地個area 得返我地呢枱, 靜靜地幾好。坐底冇耐之後店員就放底左碟餐前小食, 一籃包同問我地要唔要水。估下枝水幾錢? 最尾開估
Amuse Bouche
蜜瓜珍珠
25 views
1 likes
0 comments
面包
28 views
0 likes
0 comments
Appetizer
Confit Quail Leg
39 views
0 likes
0 comments
早排睇d 煮食比賽成日見佢地 confit , 好奇究竟係點。confit 油封, 係源自法國的料理技巧, 將食材放入油脂中以慢火烹調, 讓食材的水分和風味被完整保留。
心諗: 點樣可以有禮儀地食呢?
切落去個下, 腿肉好易同骨分離, 但又唔會淋到一pat 野咁, 都會食到肉ge 質感。入口幾香, 鵪鶉有dd 膻味, 不過唔會接受唔到。伴碟ge hazelnut 好香好食, 仲有d 蘑菇(而家先知原來可以生食), 同松露蛋黃醬, 不過個醬就唔太重松露味。
Tuna Tartare
37 views
0 likes
0 comments
吞拿魚他他上面有西瓜粒, yuzu dressing 食落酸酸地, 好開胃, 會引起你ge 食慾。
Signature Dish (Additional course +$88)
42°C Fresh Smoked Salmon
67 views
1 likes
0 comments
擺盤已經好吸睛, 店員拎起個蓋之前會問你ready 好影相未, 同想自己拎定佢幫你拎。玻璃蓋入面係蘋果木煙, 一打開好想煙燻味。係煙下係舖滿左魚子醬ge 三文魚(第一次食魚子醬)。旁邊有青蘋果分子料理, 紅菜頭蓉同yogurt。店員建議可以一半就咁食, 一半就點側邊ge 醬。
42°C Fresh Smoked Salmon
54 views
0 likes
0 comments
第二啖: 就咁食魚子醬。魚子醬有d 似平時食三文魚籽個隻味, 咸咸鮮鮮。我以為會好腥, 但唔會喎。又幾好食。
第三啖: 配紅菜頭蓉。食落幾出個味, 會bling 左一下又唔會俾三文魚遮左個味, 喜歡。
第四啖: 配yogurt。個人覺得口感太cream, 但男朋友就喜歡呢個多d。
第五啖: 配青蘋果分子料理。甜甜地, 幾清新, 但都係中意紅菜頭多d 。
Daily Soup
椰菜花湯
38 views
0 likes
0 comments
店員會係你面前倒湯出黎, 碟旁有炒香左ge 紫椰菜花, 飲時撈埋一齊飲。
好creamy 好濃, 仲有面包粒粒飲落好香, 好飲。
Main
Grilled USDA Prime Beef Bottom Sirloin Flap Meat
35 views
0 likes
0 comments
好香, 真係好香。個肉汁好香濃, 側邊仲有松露薯蓉。今次個松露味重d, 配牛都幾好食。
而個牛呢, 好重牛味, 唔會好淋但唔會有渣。每一啖都係濃濃牛香, 正。
Fish of the Day
42 views
0 likes
0 comments
魚都係佢ge 招片煎金鯛, 上面魚鱗炸到脆曬, chok chok 聲, 可以食得。而下面魚肉唔會好乾, 仲保持到魚肉ge 濕潤, 好味。
Daily Dessert
甜品有兩款, 我地各一可以試曬, 嘻。
朱古力mousse cake
35 views
1 likes
0 comments
朱古力好濃, 唔會好甜, 上面配咖啡雪糕, 中和返朱古力個苦味, 好食。
Apple Crumble
28 views
0 likes
0 comments
甜甜玉桂蘋果味, 配雲呢拿雪糕, 我覺個人覺得蘋果餡甜左d, 但男朋友話佢中意呢個。
最後仲有 Tea or Coffee, 叫左杯 Mocha +$15, 不過不失, 唔識品啡。
離開時仲見到店員會用熨斗熨直個枱布, 係格調啊。
成餐埋單 $998, 慢慢嘆慢慢食(都唔算好慢, 一道接一道), 食到棒住個肚走(份量比想像中多, 下次可以唔洗食咁多), 可以話係法國菜ge 一個入門版吧。
最後最後, 枝水要 $80, 好貴 lol
Post
