山

Open Now

Now Closed

今日去咗銅鑼灣耀華街YAMA食lunch，餐廳位於大廈高層景色都算唔錯。餐廳以日式山林庭園爲主題，裝修擺設都係以簡木系和植物為主，睇得出系，裝修同食物擺盤都好有心思。沙律沙律有青瓜、沙律菜同車里茄，味道唔錯。茶碗蒸茶碗蒸有松葉蟹肉同三文魚籽，入口嫩滑。A4宮崎和牛主食擺盤成個富士山，十分吸睛，配有蒜片、岩鹽、辣蘿蔔蓉同燒汁，和牛入口即溶，非常美味。我另外加錢轉左稻庭烏冬，烏冬入口順滑。甜品甜品每日新鮮即製，拿破崙口感鬆化香脆，牛油味香濃，上面有士多啤梨、大福皮同紅豆蓉，而中間就夾住椰子雪糕，店員提議分開兩層食，可以有不同嘅滋味，上層大福皮口感軟糯，紅豆配大福皮就係經典配搭，加上士多啤梨中和甜度，十分好食。而下層椰子雪糕，味道香濃，口感綿滑。餐飲餐飲可以揀綠茶同咖啡，我地就揀咗綠茶，可以解一解膩。