Video
Read full review
2023-11-29
666 views
Forkers 在新蒲崗時已經食過一次，立即列為隱世高汁之選！可惜地點不太就腳，無辦法變做成堂。然後，港島人竟然聽見Forkers 會搬黎灣仔！見到灣仔新店開張，立即專程去回味一下，果然沒有失望，仲有驚喜！【Dinner Menu 是一set六道菜】 $598 pp前菜兩人份，有48個月的西班珍伊比利亞後腿肉火腿，不會太鹹，油份很香。餐包有兩款，其中一款是無花果包，兩款麵包醬都是大廚特別製作，幾特別。餐湯每一揀了一款。上面是磨菇栗子蓉湯、下面是龍蝦湯。另外配一大碟Caesar salad。Second Starters 亦有兩款選擇，兩個人每人揀了一樣。劍魚他他，味道清清地。配合茜芫卻完全不會有怪味，平時不太喜歡茜芫的朋友也食到，而且覺得幾清新好味。牛肉他他。朋友鐘意上面個劍魚多啲，我就鐘意呢個牛肉多啲。少少辣，幾開胃，而且比起平時的他他牛，唔會有太生勾勾的感覺。終於到期待已久的主菜了！今日MVP 係由大廚推薦、off menu 既【油封東昇斑】！！！作為食魚怪，我對魚的要求好高。而呢個煮法真心覺得好好食，令人印度深刻！個醬汁非常特別，襯得魚味更加鮮甜，肉質亦夠滑多汁。特別想講好多人會
見到灣仔新店開張，立即專程去回味一下，果然沒有失望，仲有驚喜！
【Dinner Menu 是一set六道菜】 $598 pp
前菜兩人份，有48個月的西班珍伊比利亞後腿肉火腿，不會太鹹，油份很香。餐包有兩款，其中一款是無花果包，兩款麵包醬都是大廚特別製作，幾特別。
餐湯每一揀了一款。上面是磨菇栗子蓉湯、下面是龍蝦湯。另外配一大碟Caesar salad。
Second Starters 亦有兩款選擇，兩個人每人揀了一樣。
劍魚他他，味道清清地。配合茜芫卻完全不會有怪味，平時不太喜歡茜芫的朋友也食到，而且覺得幾清新好味。
牛肉他他。朋友鐘意上面個劍魚多啲，我就鐘意呢個牛肉多啲。少少辣，幾開胃，而且比起平時的他他牛，唔會有太生勾勾的感覺。
終於到期待已久的主菜了！今日MVP 係由大廚推薦、off menu 既【油封東昇斑】！！！
作為食魚怪，我對魚的要求好高。而呢個煮法真心覺得好好食，令人印度深刻！個醬汁非常特別，襯得魚味更加鮮甜，肉質亦夠滑多汁。
特別想講好多人會驚既 - 青豆！同朋友講笑點解會有三色豆中既青豆既！！！但係，一食就知係新鮮豆而唔係雪藏味的青豆，所以味道很好。
之後就到第二碟main dish。根據新蒲崗的經驗，Forkers 的伊利比亞豬是令人驚艷的，所以死都要食到佢個豬😂
你知啦，食牛扒好食既地方好多，甚至乎只是牛扒夠靚，自己簡單煮都已經好好食。但係豬肉就唔同講法！正常都會覺得「豬肉可以好食得去邊丫」既時候，Forkers 既豬又再一次令我滿意。
唔好比佢粉紅的顏色嚇親，一入口就會覺得，嘩，點解豬肉可以咁既質地！然後個調味亦令我非常著迷，醬汁甜甜地，食得出有開心果仁，配埋炸到脆卜卜的炸蒜，還有兩舊風琴脆薯仔，真係好獨特，非常令人滿意。
最後一人一份雪芭。上面灑新鮮的士多啤梨、再加乾脆的士多啤梨，酸酸甜甜，脆脆地又有生果，口感不錯。
餐廳一女一男兩位侍應的服務超級好，很有禮貌，服務周到之餘又細心。問他們食魚應該夾什麼酒，最後介紹了一款白酒，幾好。
最後真係勁飽，大滿足。
埋單約$800 一位左右，可以食到這種質素的晚餐，價錢非常合理。
下次來想試下 dry-age 牛扒，聽見隔離枱食緊一邊話好好食好有牛味！(但我都想再食多次個魚同豬... 因為兩者都幾令人回味，暫時唔知點揀好...)
Post
