三小漁

Open Now

Now Closed

三小漁係觀塘一間新開嘅新派中菜廳，朋友食過話佢好食我黎荐式亦特別，而且環境闊落坐得舒服，所以母親節就黎哩度慶祝。三小漁走定價中檔路線，小食、小菜、海鮮同飯麵都有，款式幾特別。自家製紅棗桂圓茶($18)天氣熱想飲凍野又唔想飲汽水，就叫左杯紅棗桂圓茶，好大杯，係成杯放落雪櫃雪凍冇加冰，所以飲落去唔會過太冰凍，唔會太甜，紅棗補血啱晒女仔飲。陳醋黑琥珀木耳($48)哩度嘅木耳比平時食倒嘅厚身厚身同爽口，加埋陳醋嘅醋酸味，非常開胃。脆皮風沙雞半隻($128)風沙雞雞皮又薄又脆，雞肉唔會煮得太熟，近骨位仲有少少血水，肉質特別滑。雖然風沙雞上枱有跟甜酸醬，但本身鹹鹹地已經好夠味，個人覺得唔蘸甜酸醬仲好食。蠔仔肉碎浸時蔬($88)莧菜上面有好多肉碎、豆卜同蠔仔，莧菜唔會太老，蠔仔有睇頭夠嫩滑，上湯清清地已經好好味。桃膠燉菊花豆腐($48)桃膠養顏，可以話係平民燕窩，加埋切成狀嘅豆腐，睇得又食得。總結，食物水準高，菜式特別，價錢亦合理，限聚令放寬左可以同家人朋友黎食返餐。