Video
Read full review
2023-02-21
1629 views
🥰 話說 “長介母后” 點名1881 嘅 “后園” 係全港最好食嘅點心之一, 早前約戰十二人江湖飯局, 盡興而歸. 散席時, “長介母后” 口痕痕話樓上間扒房非常好食, 就係 “The Steak Room”.📖 聽講 “The Steak Room” 原本係前洲際酒店嘅扒房, 期後搬咗去1881. 餐廳現隸屬於 Lubuds 飲食集團, 名字嚟自 “Louie & Buddies”, 同系多間日本菜, 包括 “穴” 和 “鮨千壽” 等, 亦涵蓋歐陸意法, 中菜, 越南菜, 葡萄牙菜等餐廳. 1881公館裡面有中菜 “后園”, 扒房 “The Steak Room” 和 法國菜 “Odea”.🥢 餐廳裝修混合咗美國扒房同埋歐式風格, 座位闊落舒適. 今日點咗午餐, $588+10%, 包頭盤, 龍蝦湯, 牛扒, 甜品.🥐 麵包. 香噴噴, 熱辣辣, 高質.🦐 頭盤: (1) 蟹肉餅 (Caviar Dungeness Crab Salad), (2) 帶子 (Hokkaido Scallop & Guacamole with Pineapple Chutney), (3) 雞尾酒蝦 (
📖 聽講 “The Steak Room” 原本係前洲際酒店嘅扒房, 期後搬咗去1881. 餐廳現隸屬於 Lubuds 飲食集團, 名字嚟自 “Louie & Buddies”, 同系多間日本菜, 包括 “穴” 和 “鮨千壽” 等, 亦涵蓋歐陸意法, 中菜, 越南菜, 葡萄牙菜等餐廳. 1881公館裡面有中菜 “后園”, 扒房 “The Steak Room” 和 法國菜 “Odea”.
🥢 餐廳裝修混合咗美國扒房同埋歐式風格, 座位闊落舒適. 今日點咗午餐, $588+10%, 包頭盤, 龍蝦湯, 牛扒, 甜品.
🥐 麵包. 香噴噴, 熱辣辣, 高質.
🦐 頭盤: (1) 蟹肉餅 (Caviar Dungeness Crab Salad), (2) 帶子 (Hokkaido Scallop & Guacamole with Pineapple Chutney), (3) 雞尾酒蝦 (Prawns Cocktail). 你冇睇錯, 頭盤齊唒三款! 蟹肉餅啖啖肉, 帶子啱啱熟, 攤凍咗嘅, 效果唔錯, 雞尾酒蝦相對普通.
🦞 龍蝦湯 (Boston Lobster Bisque). 非常濃郁嘅龍蝦膏味, 又夠熱, 近期飲過最出色嘅龍蝦湯, 超讚.
🐂 主菜: 牛扒 (USDA Rib Eye). 燒得好香喎. 三小件, 唔同部位, 左右兩件脂肪多少少, 油香滿溢, 中間果件牛味更濃, 一流! 餐廳提供咗八款鹽, 服務員冇乜點介紹, 我估用嚟打卡多, 反正牛扒夠晒味.
🍄 配菜有冬菇 (Baked Portobello Mushroom) 同埋薯仔 (Roasted Potato), 唔特別出色.
🍮 甜品: Pink Guava Panna Cotta. 以扒房嚟講, 呢個甜品相對有誠意, 味道口感似奶凍.
🤗 總結: 餐廳甚有氣派, 座位舒適, 午餐非常豐富, 牛扒高質, 分量足夠, 再加上三款頭盤, 同埋超水準龍蝦湯, 性價比有吸引力, 值得推介.P.S. 唯一投訴: 點咗杯 Burgundy, 餐廳冇俾大杯.
Post
