Video
Read full review
2019-09-02
105 views
好耐無黎荃灣區覓食，呢日係荃灣廣場行完街，search到呢間貌似新開嘅牛扒餐廳，個名好特別，叫牛県。對摯愛日本食物嘅我毫無抵抗力！入到餐廳睇番餐牌同職員介紹，原來佢係用高溫岩石板放一成熟嘅牛扒，我地可以根據個人喜好調製牛扒嘅生熟度，為左係要呈現最新鮮嘅食材！對我黎講呢個食法都幾新穎～即刻躍躍欲試！餐廳又有好詳盡嘅牛扒部位介紹，包括有牛上腰、牛橫隔膜腹肉、牛側腹等等，而唔同嘅部位都有獨特嘅口感同肉質，好特別！我同朋友分別揀左小牛柳（肩胛小菲力）同牛側腹扒，再加$30蚊就可以加配套餐，可以係飯、薯條、湯、沙律或者飲品入面揀3樣嘢搭配，好抵！😍✨小牛柳（肩胛小菲力）$138/200g 配紅酒牛肉汁店家好貼心為我地準備左圍裙，而牛扒上台時都有用紙蓋好，以防d汁彈到周圍都係，好貼心。講番呢款牛，佢嘅肉比較大同厚身，但完全無筋，切開擺係鐵板都好快熟到，食落口超嫩同埋真係入口即溶！✨牛側腹扒 $128/200g 配阿根廷青醬呢款相比下薄身d，唔需要好耐就可以熟透，同埋呢款肉質煙韌d，會更有嚼口，鮮甜多汁！✨日本A5和牛腹 $98/100g我地最後食到唔夠喉，再追加左呢款A5和牛，真係勁多雪花，望落勁
好耐無黎荃灣區覓食，呢日係荃灣廣場行完街，search到呢間貌似新開嘅牛扒餐廳，個名好特別，叫牛県。對摯愛日本食物嘅我毫無抵抗力！
入到餐廳睇番餐牌同職員介紹，原來佢係用高溫岩石板放一成熟嘅牛扒，我地可以根據個人喜好調製牛扒嘅生熟度，為左係要呈現最新鮮嘅食材！對我黎講呢個食法都幾新穎～即刻躍躍欲試！餐廳又有好詳盡嘅牛扒部位介紹，包括有牛上腰、牛橫隔膜腹肉、牛側腹等等，而唔同嘅部位都有獨特嘅口感同肉質，好特別！
我同朋友分別揀左小牛柳（肩胛小菲力）同牛側腹扒，再加$30蚊就可以加配套餐，可以係飯、薯條、湯、沙律或者飲品入面揀3樣嘢搭配，好抵！😍
小牛柳
9 views
0 likes
0 comments
✨小牛柳（肩胛小菲力）$138/200g 配紅酒牛肉汁
店家好貼心為我地準備左圍裙，而牛扒上台時都有用紙蓋好，以防d汁彈到周圍都係，好貼心。講番呢款牛，佢嘅肉比較大同厚身，但完全無筋，切開擺係鐵板都好快熟到，食落口超嫩同埋真係入口即溶！
✨牛側腹扒 $128/200g 配阿根廷青醬
呢款相比下薄身d，唔需要好耐就可以熟透，同埋呢款肉質煙韌d，會更有嚼口，鮮甜多汁！
牛側腹扒
1 views
0 likes
0 comments
牛側腹扒
4 views
0 likes
0 comments
✨日本A5和牛腹 $98/100g
我地最後食到唔夠喉，再追加左呢款A5和牛，真係勁多雪花，望落勁吸引！同埋呢款係完全自己燒，但好快就熟透，再加埋檸檬汁同佢搭配嘅調味鹽，味蕾又爆發啦～😋
日本A5和牛腹
6 views
0 likes
0 comments
**另外想推介加配嘅薯條，炸得好好味，夠脆同埋份量都夠大，茄汁偏甜，搭配食落一流！
Post
