亀井鮨 (Closed)

📍銅鑼灣 亀井鮨 📍 亀井鮨喺日本有好多間分店，最近喺香港都開咗新嘅分店，唔使特登飛去日本都食到！呢度嘅刺身非常新鮮，應該係飛機貨。下午嚟食，有午市套餐，相對抵食啲，唔使佢都成千蚊都有好高質嘅壽司食。嗌咗個最貴嘅Set：紺 $480一共有12件壽司，仲有前菜沙律，同埋麵豉湯。坐喺壽司吧枱前邊，睇住師傅包壽司，都係用餐體驗嘅一部份，感覺好Chill。🍣大拖羅壽司油脂味道好豐富，不愧係大拖羅！🍣赤身壽司吞拿魚本身嘅味道好清晰，唔會太多水份，好正。🍣油甘魚壽司🍣鯛魚壽司🍣穴子壽司係鰻魚嘅親戚，有火灸處理過，香口。🍣火炙左口魚邊壽司最鍾意呢一件壽司，火灸嘅香味，配埋左口魚邊濃郁嘅油脂香味，食完成個口都仲有餘韻，唔捨得飲茶，沖這個味道。大讚🍣牡丹蝦壽司爽脆新鮮，有蝦味！🍣帆立貝壽司口感軟糯，有鮮味。🍣日本海膽壽司好足料，啖啖海膽，新鮮唔會苦。🍣三文魚子軍艦服務態度非常專業，環境都好舒服，一定要試吓！