Video
Read full review
2021-05-31
295 views
東南亞食物一向係我至愛，去唔到旅行就要止下癮。聽聞星洲總廚嘅食物非常出色，決定前向一試，好彩晚餐繁忙時間前成功直接入座。首先試咗佢哋招牌豬扒喇沙，非常大碗同料好足，湯頭勁香椰漿味同時伴有微辣，掺掺嘅油麵同米粉好掛湯，每一啖都充滿濃濃喇沙味超正，仲有各種配料好似雞蛋、魚蛋、豆卜、芽菜等等。而重點就係超級好食嘅厚切豬扒，薄薄一層炸皮包住多汁厚身豬肉，完全唔會鞋口而且食得出係有醃過，肉質爽彈完全唔乾身，出色！我之前喺香港食過嘅肉骨茶多數都好重味精，所以今次其實我並無抱有期待，不過肉骨茶嘅魅力大概就係每一間餐廳都會整到唔同味道，而呢到嘅肉骨茶係好重藥材味，撈埋飯變湯飯咁食真係好正！肉有3-4舊，好軟淋淋入哂味，係略嫌呢個部位比較肥，如果係彎刀位就更正。而set餐入面仲有菜心同甜醬油，真係有幾分馬拉感覺！羊肉串燒就好夠羊味好適合愛羊人士，不過就有啲韌，個沙嗲係偏甜嘅口味。奶茶最底係馬拉椰糖上面就係黑白奶加西冷紅茶，叫咗杯少甜攪勻後都係超級甜，相信要係螞蟻人先頂得順！而美祿恐龍表面鋪滿大量美祿粉好甜好邪惡，但好過癮阿！呢間嘢真心出色，食完走出面已經勁多人等緊，下次希望可以試埋今次賣哂嘅豬頸肉！店員
首先試咗佢哋招牌豬扒喇沙，非常大碗同料好足，湯頭勁香椰漿味同時伴有微辣，掺掺嘅油麵同米粉好掛湯，每一啖都充滿濃濃喇沙味超正，仲有各種配料好似雞蛋、魚蛋、豆卜、芽菜等等。而重點就係超級好食嘅厚切豬扒，薄薄一層炸皮包住多汁厚身豬肉，完全唔會鞋口而且食得出係有醃過，肉質爽彈完全唔乾身，出色！
厚切豬扒配喇沙摻摻
7 views
0 likes
0 comments
我之前喺香港食過嘅肉骨茶多數都好重味精，所以今次其實我並無抱有期待，不過肉骨茶嘅魅力大概就係每一間餐廳都會整到唔同味道，而呢到嘅肉骨茶係好重藥材味，撈埋飯變湯飯咁食真係好正！肉有3-4舊，好軟淋淋入哂味，係略嫌呢個部位比較肥，如果係彎刀位就更正。而set餐入面仲有菜心同甜醬油，真係有幾分馬拉感覺！
馬拉肉骨茶
15 views
0 likes
0 comments
羊肉串燒就好夠羊味好適合愛羊人士，不過就有啲韌，個沙嗲係偏甜嘅口味。
風味羊肉串燒
18 views
0 likes
0 comments
奶茶最底係馬拉椰糖上面就係黑白奶加西冷紅茶，叫咗杯少甜攪勻後都係超級甜，相信要係螞蟻人先頂得順！
凍馬拉三色奶茶
51 views
0 likes
0 comments
而美祿恐龍表面鋪滿大量美祿粉好甜好邪惡，但好過癮阿！
美祿恐龍
18 views
0 likes
0 comments
呢間嘢真心出色，食完走出面已經勁多人等緊，下次希望可以試埋今次賣哂嘅豬頸肉！店員亦都非常禮貌，幾特別嘅係有幾枱客（包括我哋）坐低後都會被調位，但都明白咁樣先可以更有效地利用小小空間安排更多人客入座。總體嚟講係絕對值得推薦，一定會再訪！
Post
