星洲總廚 (大全街)

Open Now

Now Closed

社交平台推介呢間 星洲總廚中午時段全店滿座，外面還有很多人在拿飛排隊，好彩過过嚟☺️上菜速度幾快，店員服務態度好好。有禮勤力我點咗一份招牌厚切豬扒飯配星加坡咖喱，一杯鴛鴦桔子話梅水，雖然另外+12蚊，但真的一試難忘，頭一啖咸咸地，新鮮的桔子好清新的感覺，越飲越好飲，很解渴哇😲份豬扒飯份量超大，豬扒外層薄薄的炸粉，入口香脆，肉質鮮嫩。飽到行唔欲買單都係80蚊，唔怪得咁高人氣啦！真係平～靚～正值得一去再去

平日lunch time經過見到門口都排長龍,有幾次想試下都等到要放棄,今日公司放早就特登過嚟等佢開門,餐廳裝修簡潔環境乾淨企理,見佢餐牌上都好多選擇,有叻沙,咖哩飯，豬扒飯，食物圖片好吸引，樓面姐姐推介咗個南乳炸雞椰漿飯,食物嚟到份量都好誇張，有成半隻雞，雞肉炸得皮脆肉嫩，生熟程度剛剛好，雞肉好入味南乳味好香，綠綠地色嘅椰漿飯好香椰子味，配菜有花生魚仔同埋啲辣辣地嘅泡菜，同個飯都好夾，今次一個人嚟淨係食到一樣嘢，下次同多啲朋友過嚟試下餐牌上其他食品，見佢賣相都好吸引，價錢又唔貴。

大角咀的一間馬來平民小店。 試了他們的招牌牌厚切豬扒喇沙。**湯頭**是靈魂，這家的喇沙湯底濃稠度剛好，椰奶的甜潤平衡了的喇沙辛辣，喝得出蝦醬的鹹鮮，尾韻還帶點檸檬草的清新。對怕辣的人很友好。配料有豆卜、魚片、半顆水煮蛋和豆芽，可惜蝦子只有一隻，稍嫌單薄，若能多兩片新鮮蛤蜊或魷魚会更完美。 **炸豬扒**是亮點！厚切豬扒咬下去「喀嚓」一聲，肉質不乾柴，醃得入味，帶點蒜香和甜醬油味。雖然「炸物配湯麵」的組合稍顯突兀（傳統喇沙多配雞絲或海鮮），但泡進湯裡一半酥脆、一半吸飽湯汁的口感竟意外地上癮，像在吃南洋版日式咖喱豬排飯的變奏。 這碗**炸豬扒喇沙**融合了馬來西亞的濃烈風情與創新巧思，值得為它的飽滿滋味回頭—推薦給喜歡重口味又愛炸物的吃貨！ *想看我下次試哪道馬來西亞菜？留言告訴我！*

今日黎食lunch，排咗20分鐘，坐低嗌咗份南乳燒雞，d雞肉勁生，完全放唔到入口。跟住食食吓隔離牆有隻曱甴。個侍應呀姐仲要0反應，淨係企係到睇，完全無諗住幫手。朋友用紙巾捉咗隻曱甴，再問個呀姐拎消毒紙巾/消毒噴霧噴吓隻手。個呀姐好直接咁講無。跟住就行開咗！當無件事發生！成件事好癲！唔會再黎食！衛生好惡劣！雞肉生到咁，成碟無食。同呀姐講完之後佢換咗另一碟熟嘅俾我，但因為曱甴事件都無胃口食。失望！！！

今晚用Open Rice 外賣自取功能落單叫兩項食物：魚飯及豬排叻沙，apps 說1928可取，結果等到1945才有。向收銀了解，不聞不問。最令人氣憤是比我們遲叫的所有人（外賣或堂食）都比我們早有食物。食物質素是好，但咁樣超時等外賣及收銀麻麻地服務態度會令街坊卻步。

今日叫左8安士厚切豬扒飯味道一般，豬扒厚身但肉少骨多同價錢唔成正比另外手機落單時候無多汁選項，向職員要求多一點汁職員表示加汁要十蚊我真係未聽過要加汁要錢咁過份選項以後都唔會再食😡😡😡😡

呢間嘢 性價比非常低， 快豬扒係大件， 但係價錢都係收你七十幾蚊， 七十幾蚊都唔緊要依家午餐都係咁上下， 但係畀得七十幾蚊食飯， 可唔可以畀一個好少少嘅環境， 並不是要咩高級餐廳， 而係唔好一路食嘢一路抹嘢， 我就喺度食飯， 個職員就不斷喺度抹窗， 仲喺我隔離，果啲清潔劑味勁大， 佢並沒有顧及食客嘅感受！ 一啲衛生意識都冇， 就算嘢食好食又點呢， 唔值得幫襯

買Foodpanda自取，在門外等了很久，也向店員講了，我的餐編號係3388呀，遲遲都沒有餐，多次問店員等了廿分鐘都沒有，最後店員也並沒有理會我，離開前後均向Foodpanda投訴，餐廳卻並無理會，最後我忍無可忍離開了，但星州竟向Foodpanda慌稱我已取餐，事實上係我從旁邊餐廳再從新訂了，等不到五分鐘就取了外賣，服務不佳，算，要我等，都算，但你依家係並無向我提供食物，呃我錢，還有那Foodpanda平台也和你們同流合污的。

每次經過大角咀，第一時間都諗起呢間「星洲總廚」，真係一句嘢講晒「大件夾抵食」，佢嘅豬扒真係好出名，又係厚切，又好腍身，而且好入味！又熱辣辣，配飯配喇沙都咁好食！所以基本上台台都係叫豬扒，而且既然有得揀，咁梗係要買個喇沙啦！完全係雙重享受，佢嘅喇沙唔可以話係最好食、最正宗，但配埋個豬扒真係冇得輸！每次我都叫埋佢嘅辣椒醬，加埋落個喇沙度，湯底變得非常濃郁，真係好鬼正！配埋個餐飲都係大約$80，性價比超高！

羊腩加錢轉薄餅小到一個點 簡直搵笨 唔怪得越來越少人食 味道一般 不值得再去食 未裝修前還好一點 裝修後有點搵笨 令人失望海南雞飯份量好一點 但味道一樣非常普通 不值得回頭再吃 希望改善

曾經推介過這間位於大角咀的平民星菜，令人最回味就是招牌厚切豬扒，👦🏻 有時都會獨自去偷食。前段日子餐廳休業大裝修，今次重開後再試水準如何。▫️招牌厚切豬扒叻沙 $78招牌菜仍然一樣厚切大塊，每件豬扒都搭住肥膏肥肉；豬扒外層薄薄的炸粉，入口香脆，肉質都軟腍，不過多汁口感就欠奉。而叻沙相當濃郁，當日👧🏽作病味覺差都吃得出味道，不過無想象中濃稠，幸好兩款面底掛汁力可以。▪️肉骨茶（胡椒味）$88不是傳統藥材肉骨茶！入口如清湯加胡椒，味道欠奉。排骨肉嫩但無太多添加調味料，另外有辣椒黑豉油、油菜、油飯和幾粒油炸鬼配送。▫️咖央多士 $30多士都烘得香脆，入口有有微微椰香，但整體而言十分吝嗇咖央醬和牛油，圖片與實物差異甚大。▪️ 三色奶茶 $8套餐加配，黑色的馬拉椰糖、白色的黑白花奶和啡色西冷紅茶，甜味比較重，蓋過了奶味和茶香。▫️文東薑汁奶茶 $8薑味和奶香味重，但欠缺茶味。今次到訪的確比上一次遜色不少，無論招牌豬扒抑或其他菜式都感到失望。根據非正式統計，大多數傳統好食的餐廳，經過裝修之後都會大不如前。

豬扒飯同叻沙都保持到水準好味。但肉骨茶就一次差過一次，記得最初有藥材味，湯底係黑色有蒜頭嘅，真係好經驗好好飲好正宗。但裝修後一次差過一次，上兩次係白胡椒湯，今次重衰到直頭好似豬骨濃湯宝加胡椒粉加花奶。好失望下次都唔會叫，但其他出品都唔錯。

我成日聽人講呢間餐廳嘅叻沙好食。 今日到開奧海城， 順路過嚟專登試吓有幾好。 餐牌上食物選擇其實唔算多， 我要了一份海鮮大燴叻沙 配熱奶茶。另外加多一份滿堂椰漿飯 配凍鴛鴦桔仔話梅水。海鮮燴叻沙上枱果刻算有驚喜，幾大碗又夠香。食落口叻沙味，椰香味都非常濃香，但唔夠辣，湯底亦太過杰。 配上米粉加油麪（摻摻）。 海鮮選料算新鮮，有蝦，帆立貝，青口，魚旦等° 原隻蝦， 蝦肉夠結實， 爽口。 相反滿堂椰漿飯比較平平無奇。 椰漿飯香料味較重，椰香味唔夠。因唔食牛關係， 改轉雞扒， 雞扒肉煎得香脆，但味道幾鹹， 再加上蔥油就更鹹。 燒豬頸肉 ok。 整體上成個飯味道算普通。

仲記得一年前喺星洲總廚隔離間餐廳食晚餐，當時星洲已經有堆人喺門口等位😯，加上晚市價錢唔貴，所以留下深刻印象🤓。一年之後打算嚟食午餐，為免需要等位，所以一早去到😏。星期日11點9左右到餐廳，可以直入。之後陸續有客人進店，到我地12點半走果陣都未坐滿。十個食評有九個都會推介餐廳嘅厚豬扒，中意啖啖肉嘅我，當然要叫番個試下啦!!😌 午市餐包一杯熱飲，凍飲要加$3。厚豬扒叻沙豬扒同叻沙賣相都好靚仔，而且份量唔細!!😯 豬扒厚度接近1寸，雖然望落炸到好深色、好似過左火，但食落肉質一D都唔實，口感鬆軟，調味適中，果然係人氣推介嘅食品🤤。叻沙湯好濃香料同椰味、質地好杰，但飲落幾舒服；配料有芽菜、豆卜、魚蛋，仲有令人賞心悅目嘅溏心蛋，真係好豐富!!😋麵底我揀左摻摻，可能湯較熱，焗到油麵麵質偏淋；兩款麵中，個人比較中意米粉，真係好索湯!!厚豬扒配星加坡咖哩飯呢塊豬扒無叻沙果塊咁厚，肉質再軟身D；咖哩味道正常，無乜特別，下次要試下佢個印式咖哩先。呢個餐最正係個長條飯，煲到啱啱好😋。海南雞叻沙 雞份量唔少，我地呢舊係胸位，所以食落稱唔上滑，肉質偏軟無彈性，雞香無乜，加上無汁沾，所以食落味道比較單一。食物溫度夠

我就是因為這間餐廳從此愛上了叻沙😭許久不吃真的會想！我都不知道自己吃了幾次了 我幾乎都會介紹給我朋友 個個吃完都會覺得很好吃🥹大家一定要去試試看🥰⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯❤️招牌厚切豬扒叻沙 + 熱飲 必吃👍🏻我每一次來幾乎都會點這個 真的是我的最愛🥹叻沙湯底非常濃郁 配料也很豐富 有魚蛋 溏心蛋 還有豆卜 最喜歡豆卜 因為會吸滿湯汁 一口下去超級滿足 除了叻沙面之外 還會附上一份超大份的豬扒 很貼心幫我們切好塊塊 豬扒超級無敵嫩 完全不柴 調味也剛剛好 幾乎每一桌都會點這個豬扒😭😚大家去一定要點*告訴大家個知識點 他們的面底可以選滲滲 其實就是你的叻沙會有米粉+油面兩種面 不過我平時都只會點油面