House FiftyEight

Open Now

Now Closed

觀塘真係有好多高質嘅樓上餐廳，每次食都有驚喜。今日餐湯有蘑菇湯同羅宋湯,不過我最鍾意蘑菇湯!蘑菇粒新鮮爽口,忌廉湯濃滑豐腴,香氣清新怡人,配上即燙軟滑嘅餐包,簡直係胃口大開🌖慢煮美國安格斯牛板腱肉汁滿溢, 份量十足，略嫌筋位部分較難咬除咗牛扒之外,配菜有脆薯、車厘茄、翠玉瓜同炒香菇。醬汁鹹度適中,唔錯!🌝香煎紐西蘭魽魚柳魚柳又大又厚,煎得剛剛好冇過熟,最特別係佢淋咗椰汁調製嘅醬汁,與鮮嫩魚柳絕配,唔會蓋過魚本身嘅味道。甜品方面,有朱古力慕斯,口感濃滑綿密,糖分適中,不過如果可以再濃郁啲佢嘅朱古力味就更好了。