南瀛水產

因為早前睇過南瀛文章報道，而日式水產店亦係我至愛，所以專程黎食一食。店內日式間隔擺設都有日本水產店風味。海鮮沙律沙律入面都有幾多三文魚，整體食落夠哂FRESH。用黎做開胃前菜就一流啦。南瀛玉子燒點咗碟玉子燒，呢到嘅玉子燒會比起出面嘅冇咁甜。可以食得出蛋中加糖量不多，所以蛋味會更為香濃。東瀛五點盛五點所指的刺身分別係三文魚、劍魚腩、吞拿魚、蝦及帆立貝刺身。刺身顏色光澤，而各類魚腩紋理分佈不錯，而且入口新鮮。當中最為鮮甜係帆立貝刺身，而且非常爽口。蚧味噌甲羅燒通常甲羅燒會燒好先會上碟只會見到一團燒好後製成品，今次可以見到未燒之前材料模樣，而且仲聞到好香蟹味。蟹蓋上中間會有鵪鶉蛋，旁邊有味增、蟹肉及蟹籽等等配料。順帶一提係本店海燒燒物都係由職員負責係客人面前燒，可以欣賞到烹調手勢。甲羅燒燒好後同一般店舖食到既好唔同，因為加入左蟹籽，令到每啖都爽口，而味增唔會太鹹奪過蟹肉鮮味。活貝盛盒到最後當然係今次主角活貝盛盒，盛盒入面分別有蜆肉，生蠔，帆立貝及鮑魚。每樣海鮮在燒時店員都會加入適量清酒同醬汁提昇本身肉汁味。蜆肉非常爽口，而肉質都幾嫰滑。帆立貝燒過後鎖住肉汁，口感佳，而且店員仲好體貼剪開幾舊。