牛精皇

Open Now

Now Closed

牛精皇 (九龍城)天氣咁凍最啱就係打邊爐🍲，今次嚟到九龍城呢間牛精皇！呢度淨係牛肉都有好多唔同部位嘅選擇😆 嗰日好好彩，有貓店主係隔離陪食😻😻!紅油皮蛋一嚟想食個前菜小食先！好欣賞上面個辣椒油，好香而且夠辣！清潤雪耳海底椰豬肺鍋今次想揀一個滋潤啲嘅湯底。雪耳、海底椰、豬肺絕對係清潤配搭，好清甜，四季都啱飲😍！二人海鮮盛盒一共有六款新鮮嘅海鮮，今次有：大沙白、鮑魚、海蝦、蟶子皇、元貝、貴妃蚌。全部都好鮮甜肥美，而且真係大大隻！二百幾蚊算係幾抵食😋！本地手切肥牛雙拼（頸脊+肉眼邊） 就咁擺盤賣相都已經好靚，頸脊比較有口感，牛味都比較濃，而肉眼邊就比較腍。頂級手切安格斯牛肉個人覺得呢一款牛最好食，肉質好腍，而且肥瘦適中，牛味都香濃！芝士墨丸+芝士蝦丸因為手打嘅關係，所以都好彈牙，墨魚丸仲好有口感，入面仲有釀住芝士，趁熱食仲有流心嘅效果😍！竹蔗茅根打邊爐最啱飲啦！清清甜甜又下火！