Video
Read full review
2020-06-01
932 views
呢晚又同阿媽出街食飯撐枱腳，我揀幸屋係因為見到佢唔止得拉麵食，而且仲有丼飯，咁阿媽就一定啱食☺️。幸屋裡裡外外嘅環境裝修都別俱日式居酒屋嘅型格，牆身貼咗好多和風海報🏮。餐廳面積比起平日嘅拉麵店大，樓底亦特別高，我哋唔係坐高枱，都算坐得舒服吖。食物選擇幾多，拉麵有六至七款揀，湯麵同沾麵都有；而丼飯就有四款揀。另外，仲有各式各樣嘅小食同串燒。價錢方面，我認為都算合理同相宜，二人套餐更抵，但要睇下啱唔啱食👍。我哋叫咗一個沾麵、一個丼飯同兩款小食，無另加飲品。因為餐廳有提供熱茶🍵，而且姐姐仲會不停添水。題外話，佢哋服務真係超超超好，勁有禮貌、勁好笑容，令人成個感覺好舒服！特濃魚介醬油沾麵🍜($98)，如果食麵的話，就有以下各個選項，包括麵條類別(幼麵／粗麵)、軟硬度(特硬／硬／正常／軟)、湯的濃度(特濃／濃／正常)、叉燒選擇(叉燒BBQ／御屋Mix／豚角煮Pork Belly)，以及要唔要、要幾多濃香油、青蔥同椰菜。答完題目先有得食🤣。沾麵條我要咗正常硬度粗麵，麵條口感彈牙，而且每條分明，唔會痴埋變作一餅。我要咗熱麵，廢事咁快整凍個湯。🐷肉方面，我見到豚角煮就太興奮，即刻點咗，但後尾先發現原來有
呢晚又同阿媽出街食飯撐枱腳，我揀幸屋係因為見到佢唔止得拉麵食，而且仲有丼飯，咁阿媽就一定啱食☺️。
幸屋裡裡外外嘅環境裝修都別俱日式居酒屋嘅型格，牆身貼咗好多和風海報🏮。餐廳面積比起平日嘅拉麵店大，樓底亦特別高，我哋唔係坐高枱，都算坐得舒服吖。
食物選擇幾多，拉麵有六至七款揀，湯麵同沾麵都有；而丼飯就有四款揀。另外，仲有各式各樣嘅小食同串燒。價錢方面，我認為都算合理同相宜，二人套餐更抵，但要睇下啱唔啱食👍。
我哋叫咗一個沾麵、一個丼飯同兩款小食，無另加飲品。因為餐廳有提供熱茶🍵，而且姐姐仲會不停添水。題外話，佢哋服務真係超超超好，勁有禮貌、勁好笑容，令人成個感覺好舒服！
特濃魚介醬油沾麵
$98
10 views
0 likes
0 comments
特濃魚介醬油沾麵
$98
21 views
0 likes
0 comments
特濃魚介醬油沾麵
$98
6 views
0 likes
0 comments
鰻魚飯🍚($93)，餐廳用料毫不吝嗇，用上原條鰻魚，所以一定唔會唔夠喉😜。蛋有得揀溫泉蛋或者糖心蛋，媽要咗前者，啱撈飯嘛。我自己本身唔鍾意食鰻魚，所以無特別Comment；不過佢係我媽至愛。我睇佢食嘅反應就知道好唔好食，佢三扒兩撥就全碗清哂呢！同時，我見啲飯亦好夠汁。
炸雞
$38
3 views
0 likes
0 comments
和風餃子
$38
1 views
0 likes
0 comments
總括嚟講，連我呀媽都有讚冇彈嘅一餐就知有幾高質😋。食物味道、餐廳環境同服務均令人滿意，幸屋能夠俾人一種幸福小屋嘅感覺🏡。有機會嘅話我一定會再嚟！
Post
