會所1號 水中天

Open Now

Now Closed

星期一晚和家人去沙田食飯，酒樓好大，幾有氣派，有一種華麗的感覺，在這裏舉行婚宴都幾好，擺好多圍都可以。鹵水豬仔腳，隻隻都好飽滿，不會肥膩，鹵得好入味，皮爽肉彈，真係幾好味。橙香骨，味道幾特別，微甜帶酸，相當開胃，入口甘香，值得一試。小炒皇，都幾大碟，炒得好香口惹味，韮菜爽脆，蝦乾好大隻，還有一些魚乾、腰果等，送飯送酒都適合。石鍋蒜片牛仔柳，侍應一上菜，已聞到陣陣香氣，牛仔柳好嫩滑，配合炸蒜片和洋蔥，相當惹味，而且牛仔柳都好多件，算幾抵食。叉燒鱔，聽個菜名好特別，究竟是叉燒還是鱔？好奇之下想試試，原來是蜜汁燒白鱔，外貌都有點似叉燒，入口甘香油潤，好好食，一定要試試。椒鹽豆腐，細細件，一啖一件，外脆內軟，好，香椒鹽味，熱辣辣，幾好味。