會所1號 水中天

Open Now

Now Closed

今天到沙田城門河畔的「會所1號.水中天」飲茶。餐廳座落在城門河上，三層畫舫，門前一對漢白玉石獅子，雕欄玉砌，甚具皇家氣派。室內又是另一番氣象，西式華麗佈置，寬敞大廳，適合做婚宴場地。餐廳三面河景，城門河景色一覽無遺，加上座位空間廣闊，毫無侷促感，吃起來也特別暢意。我點了幾個創意小食和點心：“糟鹵豬腳仔”，糟鹵汁本身有陣香味，有別於一般滷水汁，而且不太鹹。豬腳仔鮮嫩爽口，又醃得入味，口感和味道都相當好。“芝士釀焗蟹蓋”，芝士混合蟹肉、火腿、洋蔥等釀入蟹蓋內，焗得香噴噴。“奇脆叉燒包”，酥脆外皮，新鮮即製，裏面是叉燒餡，叉燒肉質上乘，不肥膩，口感非常好。“原籠蝦餃皇”，一籠一隻大蝦餃，蝦肉鮮甜，外皮爽滑彈牙。“叉燒拼油雞”，不得不讚這裏的叉燒，選用梅頭瘦肉，鬆軟又多汁，口感一流。“梅頭叉燒腸粉”，除了美味的叉燒外，芫荽香味突出，腸粉較乾身，沒有油膩感，我最欣賞。“黃金煎堆仔”，新鮮即炸，芝麻香口，外脆內軟。“蠔皇叉燒包”，重點也是叉燒餡料，肉質上乘，有質感。一邊欣賞城面河美景，一邊享用精緻美食，真是物有所值。

會所1號 水中天位於沙田城門河畔，建築外形有如一艘中式酒樓石舫樓高三層，環抱城門河及吐露港景觀，擁有5大特色宴會廳，盡顯「沙田畫舫」氣派。是婚宴理想場地，佢哋仲有提供早午晚唔同餐飲。滷水豬仔腳：皮脆爽中帶滑，看起來顏色不深卻入味。筍尖蝦餃皇餡料緊實飽滿，蝦肉鮮甜爽口。蟹籽燒賣皇：Q彈的外皮及紮實飽滿的內餡裡鹹中帶鮮，鮮甜的鮮蝦提升口感層次。黃金豆腐粒外層有酥香口感，內層仍然非常軟滑。菜遠龍躉球炒河：龍躉魚片肉質好爽脆又好滑，河粉炒得夠鑊氣，加埋芽菜和個玻璃獻汁，十分惹味！

旁邊都是海聽說中秋節就在這划船，裡面不值得真的很漂亮，很精緻。一般茶樓都是廣式的復古。這家用花包圍著很是精緻。人沒到你12:00都算不多人可以先過來選位就能看見外面的海。十二點後就開始陸陸續續的人多起來了，不需要排隊 上菜也快 食物也偏大眾化的廣東人的胃口。我坐了第二層靠中間，四周環繞著海景店鋪偏為白粉色，紅豆糕是椰汁疊加做的。口味不會很甜耶奶味很重。環境很漂亮，餐品好精緻。就算一個人的均價也不會很高。

位于沙田城門河畔的會所1號，真的是個超棒的地方呢！環境好，位置佳，車位還特別多，真的是超級方便~ 最讓人開心的是，可以邊吃飯邊欣賞河畔的美景，簡直是太爽了！點心出品挺好，沒有什麼特別難吃的，在今時今日的香港食肆中，已經算很好！這店的肉絲炒麵，做得不錯。炒面非常美味，口感鮮美，面條軟糯有彈性，頂部有些很脆的，醬汁另上，口感非常好👍總之，這家酒樓真的是個不可多得的好去處，無論是環境、美食還是服務，都挺好！酒樓鄰近我家，故此常來幫襯。

今日約咗朋友去沙田飲茶，水中天是會所1號旗下品牌之一，亦是香港唯一以大理石建成，形似一艘靠岸停泊的船型中式酒樓石舫，設有中小型婚禮、輕婚禮場地，場地擁有海天一色靚景、歐式戶外草地、西式古堡等，令婚禮更浪漫。忌廉焗釀蟹蓋：將蟹肉洋蔥混入濃郁的芝士、香滑忌廉和牛油焗至金黃色，啖啖鮮甜蟹肉的蟹蓋口感豐富。筍尖蝦餃皇：外皮雪白晶瑩，餡料厚實飽滿，爽口又足料。蟹籽燒賣皇：每粒燒賣都包滿咗蝦仁同豬肉，口感彈牙，上面還有蟹子一下子豐富了很多！豉汁蒸鳳爪：鳳爪煮得入味、軟腍，口感鮮香，味道濃郁。蠔皇叉燒包外皮鬆軟，. 搭配內餡肥瘦適中的蜜汁叉燒肉，味道甜鹹適中，香口軟嫩。韭黃鮮蝦腸粉色澤如玉，用原隻鮮味大蝦搭配鮮香韭黃，加上少許甜豉油，又爽口又滑溜，口感味道都好豐富。肉絲炒麵：炸至金黃色的麵條上面舖滿肉絲、冬菇絲、銀芽配料和芡汁，麵條又脆又香口，掛上茨汁更美味！

週未飲茶揀咗位於沙田城門河上的【會所一號 水中天】，這三層畫舫外形古色古香，非常有特色。內裏是西式嘅華麗佈置， 地方非常寬敞，多面的大玻璃窗可以欣賞到城門河四週的美麗景緻，非常寫意。🥰❤️芝士焗蟹蓋芝士混合蟹肉，香味濃郁有驚喜，蟹肉滿滿，作為開胃菜，激發食慾🧡五香金錢肚五香金錢肚軟嫩可口，超級入味，口感和香氣同樣豐富💛蝦餃皇蝦餃皇脹卜卜，皮薄而不破，餡料新鮮多汁，十分美味💚香煎蘿蔔糕煎製得恰到好處，外脆內軟，清香可口，加埋甜醬辣醬吃，令人一口一口，食到停唔到口💙鮮蝦腸粉腸粉皮薄韌，蝦肉鮮美多， 配埋腸粉甜豉油，果真一流💜蠔皇鮑片撈粗麵麵條Q彈可口，鮑魚片肥美鮮嫩分量唔少，蠔皇醬汁恰到好處，一道很不錯的主菜選擇

沙田水中天會所一號很多人都知道，前段時間和朋友去吃夜晚晚餐試試。1.糟鹵豬腳仔是採用BB豬，質地非常嫩滑，豬皮非常入味，除了酒味香濃外還有淡淡的麻油香，感覺非常惹味2.XO醬野菌花膠蚌柳這個配搭剛剛好，感覺比較適合下飯，花膠和貴妃蚌的數量也很多，還配上四季豆，口感脆卜卜3.招牌炒飯配料非常豐富，當中包括有大蝦乾，鹹鮮味十足，平時吃的炒飯很少見到4. 雙蔥美極牛仔肉這牛仔肉粒口感非常滑，用美極醬油去炒，令牛肉的味道更提鮮。不錯👍會再去的。

中午12時在這地方訂了兩席櫻紅宴，開席前同侍應講每席攞六罐汽水及六罐啤酒侍應回應說櫻紅宴是沒有汽水及啤酒只有茶，我再詢問訂櫻紅宴前菜單寫明有12罐包括汽水及啤酒為何只得茶？之後再三更進後應才確認有啤酒及汽水共12罐我心想連每席十二罐啤酒汽水都想落格真的太過分席上其中一味（北菇花膠紅燒豆腐）上菜後我們兩席都沒有花膠只有紅燒豆腐北菇加菜心詢問為何沒有花膠？之後廚房死死地氣炒咗兩碟好似鵝腸咁嘅size花膠出嚟真係XYZ啲花膠細到好似鵝腸咁，咁肉酸都唔值錢啦都要扣起啲花膠落格（鳳梨咕嚕肉）啲肉又啲酸縮味好明顯係過期貨$3377每席埋單$6764現今lunch飲食業兩席我覺得已經算好啦仲要咁樣想落格香港飲食業就係畀呢啲害群之馬整衰曬個朵唔好怪人哋北上累你哋冇生意。

夜晚同朋友想搵個舒服地方食飯就嚟咗club one呢個餐廳環境好chill而每樣食物都好好味～.💎 $98 芝士忌廉焗蟹蓋(2隻)Club One這道蟹蓋以芝士同奶油焗製散發出濃郁既香氣😆入口時帶黎濃厚既奶油同芝士既味道再結合蟹肉既鮮甜令人垂涎欲滴.💎$58 頭抽生煎龍躉扒會所一號呢道以頭抽醬汁生煎既龍躉扒好好食肉質鮮嫩多汁並帶有頭抽醬既獨特風味💓.💎$68 蜜椒雞翼雞翼肉質鮮嫩外層酥脆而蜜汁既結合為佢帶黎豐富既口感😍.💎$148 蝦米粉絲節瓜煲將蝦米同粉絲同節瓜煮埋一齊形成濃郁既湯汁蝦米既鮮味同粉絲既彈牙口感相得益彰節瓜既清爽口感為這道菜增添了一抹清新既風味😍😍🥰.💓$38 宮廷桂花糕(4件)桂花糕口感綿密細膩桂花既香氣同糕體既甜味相互融合帶黎一種獨特既芳香體驗🥳🧡.💎$15 茶(每位)

朋友就快結婚，相約我去其中一個心儀婚宴地方沙田水中天去視察環境及順道吃晚飯。樓底夠高，這裡進場拍照不錯。長方形場地頗實用，白天更有河畔景色。廚師推介的蟹蓋都幾吸引，另外也有限定的橙花骨。翡翠大蝦球 $168飽滿的蝦球質感好爽脆彈牙，西蘭花、黑木耳等炒得熟度剛好，保持脆身。鐵板叉燒 $158以鐵板上檯頗特別叉燒帶點半肥瘦，肉腍無根，底部帶燶邊幾香口，很不錯。芝士忌廉釀焗蟹蓋 $98/2隻上檯香噴噴，焗得金黃色再配色彩脆蝦片，賣相一流。外層是金黃色的惹味香口焗芝士忌廉，內裡是豐富絲絲蟹肉，再配菇、洋蔥絲調味。

前日21-5-2024（Tue）晏晝，為老闆ED離開公司食餞行飯，最後啱啱兩圍枱食，同事預訂咗呢喥，我哋都唔諗食咩喇，就要原價$2,988.00十二位用嘅套餐E，有:2. 筍尖蝦餃皇大大隻，皮太腍但蝦仁好爽口。4.5分1A. 白灼秋葵兩碟有汁伴食，蘸少少食，微辣，醒胃。4分1B. 叉燒脆鱔兩碟蜜汁味夠，但唔算好脆。4分3. 蘿蔔絲酥餅外脆內軟，正常嘅同唔鹹。女同事MC話好熱，佢熱親個咀，但我同大部份同事食都唔係。之後另一圍同事食剩一件拎過嚟，咁我食啦，呢件就熱同好鹹。點俾分好呢？(3+2)÷2，2.5分啦8. 砂窩豉油雞味道同口感正常，唔太鹹，食到底見到有好多蔥。4分4. 黃公醬翡翠炒蝦球帶子翡翠係豆角，唔個咩黃公醬，佢似唔辣XO醬，惹味。成個餸口感都適中文。5分5. 蛋白蟹肉燴燕窩食到蟹肉，都算足料，味道清淡，唔會太稀太杰。4分6. 清蒸海虎杉斑（約1斤12兩）都蒸得滑嘅。4.5分7. 西紅柿腐竹浸翡翠唔多嘅腐竹舖喺面，翡翠係菠菜苗，最多就係佢，腐竹好夠味，個湯清淡得嚟都唔差。5分9. 魚籽薑蔥蟹肉炒飯見唔到有蔥花或蔥粒，飯嘅口感唔錯又唔太油，不過薑味重。4分10. 蝦籽炆伊麵又見唔

星期一晚和家人去沙田食飯，酒樓好大，幾有氣派，有一種華麗的感覺，在這裏舉行婚宴都幾好，擺好多圍都可以。鹵水豬仔腳，隻隻都好飽滿，不會肥膩，鹵得好入味，皮爽肉彈，真係幾好味。橙香骨，味道幾特別，微甜帶酸，相當開胃，入口甘香，值得一試。小炒皇，都幾大碟，炒得好香口惹味，韮菜爽脆，蝦乾好大隻，還有一些魚乾、腰果等，送飯送酒都適合。石鍋蒜片牛仔柳，侍應一上菜，已聞到陣陣香氣，牛仔柳好嫩滑，配合炸蒜片和洋蔥，相當惹味，而且牛仔柳都好多件，算幾抵食。叉燒鱔，聽個菜名好特別，究竟是叉燒還是鱔？好奇之下想試試，原來是蜜汁燒白鱔，外貌都有點似叉燒，入口甘香油潤，好好食，一定要試試。椒鹽豆腐，細細件，一啖一件，外脆內軟，好，香椒鹽味，熱辣辣，幾好味。

上星期去沙田，晚上和朋友去Club One 食晚飯，酒樓相當大，環境寬敞，禮台都幾靚，相當適合舉辦婚宴。叉燒膳，外貌真的有點似叉燒，實際是白鱔，以蜜汁煎焗，入口爽彈，味道很不錯，是否道美味的前菜。滷水豬仔腳，豬仔腳很入味，爽口彈牙，感覺骨膠原豐富，完全不覺肥膩，而且一碟都有好多件。椒鹽豆腐，外皮酥脆，裏面軟滑，十分香口，一口一塊，食起來很方便。石鍋蒜片牛仔柳，用石鍋上，熱辣辣，未食已聞到陣陣香味，牛仔柳相當軟滑，口感不錯，以蒜片、洋蔥作伴菜，十分惹味。脆瓜素蝦，賣相不錯，沒想到素蝦都幾好味，口感幾好，超級適合素食者，感覺清新，瓜菜都爽口。招牌炒飯，都幾大碟，份量十足，飯粒分明，炒得夠乾身，夾雜一些蝦乾，幾惹味。

又係同屋企人去飲茶啦～今次去城門河邊嘅club one舊址明星海鮮舫環境清幽 好有70-80‘s舊香港嘅味道門前仲有座噴水池好靚 有feel！.🔸原籠蝦餃皇（$9.8/件）👍🏻一籠一隻，勁大隻！外皮晶瑩剔透煙煙韌韌，內餡有好多蝦仁，好爽甜，好好食！限量一人一隻架咋！🔸蘿蔔絲酥餅（$51）👍🏻酥脆嘅外層一咬即化，中間蘿蔔絲係粗條，清甜又有口感，好好食！🔸街頭混醬腸粉（$44）👍🏻係超滑嘅齋腸，同SSP 名店有得揮！蒸得岩岩好，唔好一夾就爛，好食😋🔸糟鹵豬腳仔（$78）👍🏻正！無毛、肥美、多肉、炆而彈牙，而且滷水汁好香，入哂味！.🔸椰汁紅豆糕（$34）👍🏻好清甜又有椰香，紅豆係肥肥大粒個隻，咬落有d口感，出色。🔸芝士忌廉釀焗蟹蓋（$98/2隻）Lunch都想食焗蟹蓋😆，芝士焗到好香呀！混合新鮮蟹肉，又唔洗拆殼，咁食特別正！🔸豉汁蒸鳳爪（$34）🔸金珠咸水角（$34）

沙田城門河有一隻畫舫，一直都係地標之一。其實呢度係有嘢食，現在名為「Club One 會所1號水中天」。今日同家人一齊嚟飲茶，裝修好靚場地好適合做婚宴或者大型Party，而且對住城門河，有一種舒適的感覺。點心選擇多，滷水豬仔腳，蝦餃，牛肉腸粉，灌湯餃，炸雲吞，鳳爪等傳統廣東點心。滷水豬仔腳，非常入味，而且好夠腍。蝦餃入面好多蝦，非常爽甜。牛肉腸粉，鮮嫩配上甜豉油，美味。灌湯餃餡料多，炸雲吞脆卜卜，鳳爪醬汁滋味。大量車位可以泊車🚙