Motorino (船街)

Open Now

Now Closed

在香港要搵間好食pizza店不容易，之前有太多不好的經歷，但因為之前沒有分享食評習慣以至未能令其他人避免落入陷阱，所以以後要好的表揚一下，差的要提議一下。今次就試試呢間Motorino船街分店。入到店內就見到大大個磚窯，雖然此不代表什麼，因為之前試過有一間在銅鑼灣也有這個爐，但pizza又濕又林哂，差到冇朋友。但今次呢間嗰pizza真係唔錯。第一，專業，店內沒有其他意粉之類，專註一門pizza，這也是我心目中好餐廳的元素之一，專心做好一些產品，不要這個又做，那個又做，唔湯唔水。第二，即叫即做，睇住師傅收order即時搓麵粉，落料，入爐，不出幾分鐘就出爐，可想而知此爐溫度有多高。第三，材料配搭新穎，不是坊間常見來來去去那幾種。整體食物質素非常好，就算是餐前沙律都用心製作，菜新鮮之餘又洗得非常干凈，橄欖油好香。今次我們用餐是平日下午set都如此用心沒有hea做，加上只收128，有pizza有前菜，非常好食又抵食。最後有一溫馨提示，如果大家不嗜辣，記得同侍應生講聲，因為佢哋會係pizza上加辣橄欖油，但個辣油真的很辣。