S2 鐵板燒 (Closed)

上次系中環食過S2Kitchen呢間居酒屋，食物質素非常之美味，之後仲有另一間叫S2鐵板燒系佐敦，食物種類同中環唔同當然要去試下啦！我地點左兩個一人餐：日本十勝黑豚肉北海道松葉蟹套餐$450/一人前和海膽焗原隻龍蝦北海道帆立貝海鮮套餐$780/一人前。煙燻鴨胸沙律盛合杯，鴨胸肉好彈牙，沙律菜咬落口好清脆爽口，配埋胡麻醬更加正。三點刺身八爪魚，三文魚和牡丹蝦大隻肥美鮮甜又新鮮。北海道松葉蟹腳燒到微熱，蟹腳肉質鮮甜。店員好細心為我地送上手套和鉸剪方便我地食焗蠔焗到香噴噴，蠔肉質滑溜。日本十勝黑豚肉配意大利黑醋，豚肉燒到剛剛好，肉質嫩滑又好香的黑醋香味板燒海膽醬芝士焗原隻龍蝦，龍蝦燒到肉質好爽配埋海膽醬芝士更加野味。北海道黑松露帆立貝肉質夠滑配上黑松露更加芳香。招牌脆皮煎鰻魚，皮煎到非常之脆，肉質又好香醬汁又入味S2特色黃金炒飯，飯炒到一粒粒好香又有淡淡的黑松露味道。野菜炒拉麵，拉麵麵質煙韌，醬汁濃厚配上爽脆的野菜。燒野菜和焗雜菌味道清淡。S2鐵板紙包蜆湯有蜆，豆腐，海帶，秋葵和蟹腳湯好清甜甜品是燒多士燒到香噴噴又甜甜地。