Read full review
2023-03-25
1102 views
早排生日,揀咗康得思酒店嘅自助晚餐慶祝,網上評論都讚康得思酒店嘅自助晚餐豐富、性價比高,等鯊仔為大家分享吓值唔值得去~🍽 自助晚餐 成人HKD$758 星期一至四成人HKD$798 星期五至日、公眾假期及其前夕 「饕饗海之味」主題自助餐,提供過百款環球冰鎮海鮮、惹味熱葷同精緻甜品,特別留意喺晚餐時段,更有由米芝蓮星級中菜明閣團隊主理嘅招牌叉燒及片皮鴨。🦞 優質冰上海鮮自助餐唔少得海鮮專區,康得思自助餐提供新鮮生蠔、冰鎮新鮮龍蝦、鱈場蟹腳同阿根廷紅蝦刺身,其中特別冰鎮新鮮龍蝦同鱈場蟹腳最有驚喜,龍蝦肉質鮮甜飽滿,而蟹腳絲絲內質、啖啖肉,絕對唔會有雪藏味。🥩 熱盤菜式熱盤菜式同樣非常受歡迎,當中包括:美國頂級肉眼扒、威靈頓牛柳、米芝蓮星級中菜明閣招牌叉燒同潮州蠔仔粥等,其中威靈頓牛柳最有驚喜,金黃色酥皮,內裏包裹着鮮嫩嘅牛柳,配搭醬汁,香濃惹味。🔥 現場烹調專區即切片皮鴨係康得思酒店自助餐嘅必食之選,片皮鴨皮薄餡靚,配上佐料如蔥絲、青瓜絲同醬汁,味道香甜,令人回味無窮,每人限取兩件,鯊仔都唔知出去拎咗幾多次了~🍰 甜品專區康得思自助餐有專屬嘅甜品專櫃放各款精緻嘅甜點,甜點非常豐富包括:台灣
🍽 自助晚餐
成人HKD$758 星期一至四
成人HKD$798 星期五至日、公眾假期及其前夕
「饕饗海之味」主題自助餐,提供過百款環球冰鎮海鮮、惹味熱葷同精緻甜品,特別留意喺晚餐時段,更有由米芝蓮星級中菜明閣團隊主理嘅招牌叉燒及片皮鴨。
🦞 優質冰上海鮮
自助餐唔少得海鮮專區,康得思自助餐提供新鮮生蠔、冰鎮新鮮龍蝦、鱈場蟹腳同阿根廷紅蝦刺身,其中特別冰鎮新鮮龍蝦同鱈場蟹腳最有驚喜,龍蝦肉質鮮甜飽滿,而蟹腳絲絲內質、啖啖肉,絕對唔會有雪藏味。
🥩 熱盤菜式
熱盤菜式同樣非常受歡迎,當中包括:美國頂級肉眼扒、威靈頓牛柳、米芝蓮星級中菜明閣招牌叉燒同潮州蠔仔粥等,其中威靈頓牛柳最有驚喜,金黃色酥皮,內裏包裹着鮮嫩嘅牛柳,配搭醬汁,香濃惹味。
🔥 現場烹調專區
即切片皮鴨係康得思酒店自助餐嘅必食之選,片皮鴨皮薄餡靚,配上佐料如蔥絲、青瓜絲同醬汁,味道香甜,令人回味無窮,每人限取兩件,鯊仔都唔知出去拎咗幾多次了~
🍰 甜品專區
康得思自助餐有專屬嘅甜品專櫃放各款精緻嘅甜點,甜點非常豐富包括:台灣芋頭忌廉卷蛋、粉紅西柚茉莉花茶慕絲蛋糕、青蘋果乳酪慕絲蛋糕、柑橘柚子撻同紫薯奶凍,其中台灣芋頭忌廉卷蛋同紫薯奶凍最有驚喜,芋頭忌廉卷蛋充滿綿滑嘅香芋,配上滑嫩嘅忌廉,香甜可口。紫薯奶凍同樣充滿幼滑嘅紫薯,配上香凍軟滑嘅奶凍,味道恰到好處。
Post