鮨政

Open Now

Now Closed

數月前食過上環呢間「鮨政」後一直回味, 今晚終於有機會帶到媽咪去食返餐。餐廳面積不大, 有吧檯可以近距離欣賞師傅主理壽司過程, 亦有table seat。晚市供應壽司拼盤、單點壽司、刺身、丼飯、鍋物、小食等等....【炸小蝦】HK$88每隻蝦炸得酥脆香口, 整隻連殼都可以食埋, 蝦帶少少肉, 甘香鮮味。【壽司拼盤】HK$480每款手握壽司上嘅刺身均為厚切鮮味, 完美覆蓋壽司飯, 拼盤包括有軟嫩吞拿魚、甘香油甘魚、有魚香嘅三文魚、肥美鮮甜帆立貝同埋打孖上嘅鮮甜甜蝦, 仲有充滿魚油香嘅吞拿魚蓉軍艦+三文魚小卷, 高質又足料!【三文魚親子飯】HK$138 (配味噌湯)除了有多片三文魚, 配上三文魚籽, 口感有層次, 提升整體魚鮮味, 好味飽肚。