Video
Read full review
2018-02-02
129 views
我好中意牛肉麵，最近我屋企既應該就係呢間位於連城廣場既小王牛肉麵，呢間其實係連鎖式舖頭，但水準都叫做唔錯，曾經係2014同埋2015年受到米之蓮推介，都叫做有水準保證！呢晚我係夜晚6點黎到，等位大概十分鐘。入面既裝修同一般茶餐廳分別唔大，簡單而樸實同埋有d狹窄。不過呢度比茶餐廳好就係d食客都叫做安靜，唔會大聲講野，所以可以靜靜地享受完碗麵。我叫左個半筋半肉麵，牛肉好軟腍而牛肉味都好濃郁，牛筋都炆得好彈牙，咬落口充滿骨膠原感。麵很新鮮，係純正小麥白麵，冇鹼水味。我本身叫既係幼麵黎既，不過係湯度浸左好耐發脹左少少，但口感都依然好有筋道。鹽酥雞扒個size好壯觀。一整大塊的鹽酥雞扒又厚又多汁，外皮好酥脆但係雞肉依然好滑嫩。朋友就叫左個淨黑湯麵，粗身麵闊度好似刀削麵咁，好煙韌彈牙，不過大食既朋友就話唔係好夠食啦。但係個湯幾好飲既，以牛骨熬製，入口好香醇。由於有人食完麵都仲叫肚餓，我地又追加左炸魷魚須，份量都好多，魷魚須炸得金黃香脆，外酥內軟，一啖咬去，魷魚既鮮味爆出，有點豪邁之感啊！總體來說，味道的確係OK既，但係如果真係單叫一碗麵好似真係唔多夠，呢度d麵既份量屬於輕食，好似扒幾啖就冇曬，不過
呢晚我係夜晚6點黎到，等位大概十分鐘。入面既裝修同一般茶餐廳分別唔大，簡單而樸實同埋有d狹窄。不過呢度比茶餐廳好就係d食客都叫做安靜，唔會大聲講野，所以可以靜靜地享受完碗麵。
我叫左個半筋半肉麵，牛肉好軟腍而牛肉味都好濃郁，牛筋都炆得好彈牙，咬落口充滿骨膠原感。
麵很新鮮，係純正小麥白麵，冇鹼水味。我本身叫既係幼麵黎既，不過係湯度浸左好耐發脹左少少，但口感都依然好有筋道。
鹽酥雞扒個size好壯觀。一整大塊的鹽酥雞扒又厚又多汁，外皮好酥脆但係雞肉依然好滑嫩。
朋友就叫左個淨黑湯麵，粗身麵闊度好似刀削麵咁，好煙韌彈牙，不過大食既朋友就話唔係好夠食啦。但係個湯幾好飲既，以牛骨熬製，入口好香醇。
由於有人食完麵都仲叫肚餓，我地又追加左炸魷魚須，份量都好多，魷魚須炸得金黃香脆，外酥內軟，一啖咬去，魷魚既鮮味爆出，有點豪邁之感啊！
總體來說，味道的確係OK既，但係如果真係單叫一碗麵好似真係唔多夠，呢度d麵既份量屬於輕食，好似扒幾啖就冇曬，不過好在都可以散叫d小食，而且價錢唔貴，都叫做不足中有美。
Post
