鐵板十三 (Closed)

以前中學喺附近讀書 有喺呢間餐廳食晏晝 今日經過呢頭 就入嚟搵返青春嘅味道🤤舖位同我中學時代食嘅已經唔同 但係一樣嘅係依然有長長嘅鐵板燒吧檯 今日食晏就無謂坐嗰啲位啦🙊除咗鐵板燒之外 都仲有刺身嘅選擇 望過去個放刺身嘅雪櫃 都見到啲刺身望落幾新鮮嘅 不過今日我都係想食啲熱野 所以叫咗呢個牛肉粒配飯🐮牛肉粒份量都唔少 鋪滿半隻飯碗 而且每粒都唔會有筋 唔會韌 黑椒味都幾重 如果淡味返少少會啱我胃口啲 不過都唔算太重口味嘅 仲有少少炒雜菜伴碟 都算係健康返少少😗呢個價錢算係好抵食 keep到以前嘅水準 真係個午餐嘅好選擇😺