鐵板十三 (Closed)

今日同媽咪漫無目的逛逛九龍城平時黎九龍城多數都係食泰國菜。但其實九龍城都有好多其他美食而這間「鐵板十三」主打日式料理，亦是不錯選擇點了兩份湯烏冬吉列蝦炸得香脆，粉漿夠薄，不會有油膩感，蝦肉夠彈牙。 烏冬好彈牙，湯底都好清甜，還有雞蛋，日式魚蛋、雞肉、茶、日式大蔥，十分豐富-除了烏冬，還點了兩款壽司及手卷太好吃了三文魚腩壽司及火炙左口魚壽司就是喜歡那份魚油的香氣令人難以忘懷油甘魚手卷及左口魚手卷 都很不錯喜歡魚油香的，可以一試飯後有啫喱送

今日有啲忙，所以在九龍城食了一個快飯。牛肉粒配飯的牛肉粒炒得好好，加上醬料，非常送飯。附上有醬汁的青菜及紅蘿蔔絲，有肉又有菜，營養均勻。不過份量偏少，不夠的話可以再加一杯飲料。

見大家的食評也是關於鐵板燒的,我就分享一下咗午餐時段吃的魚生飯.在午市時段,只有一些學生在用餐,所以完全不需要擔心位置與等候的問題.我已經來過這間店幾次,我最推介的食物就是三文魚甜蝦魚生飯,因為魚生的數量比得十分足夠,而且十分新鮮,加上亦有一個迷你小沙律和兩條蟹棒,還會免費送味噌湯以及綠茶,這絕對是足夠一個人吃的.在味道方面,簡直不可挑剔粗,魚生飯的比例剛剛好,不會太酸,也不會太淡,再加上他們的山葵很惹味又不會太辣,是一組讓人垂涎三尺的組.整體方面,服務態度良好,服務員十分熱情,價格親民,人均50,食物美味又新鮮,在香港這樣的餐廳不可多得.

最近經過九龍城，去鐵板十三食午飯。我叫了三文魚魚生飯，價錢只是45蚊。這道菜的味道鮮美，絕對是海鮮愛好者的最佳選擇。三文魚魚生飯的製作非常講究。新鮮的三文魚切成薄片，搭配香噴噴的白飯。不僅如此，餐廳還特別選用了優質的醬料，如醬油、芥末醬，增添了菜品的豐富口感。

平日lunch time光顧，門面不太起眼，但內裡係幾大間&多位。仲有塊真材實料大鐵板俾主廚表演。本身價錢已經好實惠，仲會提供優惠俾學生，所以放飯時間都好多人幫襯。三文魚蟹肉棒刺身飯，份量十足，送味噌湯&茶。面層有6條蟹棒&約4-5片三文魚刺身；日式泡薑&蟹子沙律&大大舊wasabi；底層係壽司飯；一碗已經包含左好多野🤤蟹棒質素中上，三文魚刺身味道一般但唔薄。當自己用呢個價錢食左10件壽司，就會覺得好抵食。鐵板燒牛柳粒都幾好食，不過今次冇order到。呢間鋪頭有凍食有熱食，任君選擇👍

去九龍城食嘢 本來想食隔籬街大助但冇位起碼要等兩個鐘又落大雨見到呢間望落去都幾大間就入去試吓囉價錢喺九龍城來講都算平諗住叫個豚肉生薑燒夠穩陣點知一嚟到好似成碗餵狗嘅飯咁樣賣相完全唔吸引我未食過咁樣嘅豚肉生薑燒啲豬肉係瘦肉厚切咁樣咬落去有啲癡牙賣相又唔開胃朋友叫咗牛肉味道好少少但都唔算超好食一路食上面個冷氣機又不斷滴水服務態度亦都麻麻地好冷漠好冷淡咁冇下次

星期日諗住同朋友食個lunch我地入去呢間餐廳等左好耐都完全冇人理我地於是我哋見有好多位就坐低一坐低個短頭髮老闆娘即刻衝出問我地點解唔量體溫，我地話唔好意思即刻量返，佢繼續鬧我地話「邊有人唔量體溫就坐低架，唔量體溫做乜入嚟呀，嘟左安心出行未呀你地」我哋又唔係有心唔量體溫又係客人洗唔洗咁？一話唔用安心出殯就西我哋面，果度特登收埋啲紙，要叫識得比紙人填，個個都想用安心出殯咩？等我填紙果陣就黑口黑面，就咁遞隻手出嚟示意我快啲還野比佢，唔該都冇句，由入去到埋單，個老闆娘都表現到好唔歡迎我哋。最搞笑係，佢喺d大人面前成個樣成個態度變晒，成個人恭恭敬敬⋯⋯對年輕人一個樣，都大人另一個樣-_-老闆娘假到嘔食個飯都有受氣睇佢臉色咁嘅服務態度真係可以摺埋

大半年無去食呢間野，上個禮拜就去咗食番，入門口嘅時候都無問我地有幾位都直接指咗張枱比我地。跟住落order嘅時候又好串咁，明明我已經講得好清楚要咩，但個阿姐自己聽唔到就對我翻哂白眼叫我講多次，之後落完我嘅order之後，佢自己就行走咗，但我個朋友未落order，之後叫咗佢勁耐先見到我地。同埋個冷烏冬都勁難食，真係無水準。

以前中學喺附近讀書 有喺呢間餐廳食晏晝 今日經過呢頭 就入嚟搵返青春嘅味道🤤舖位同我中學時代食嘅已經唔同 但係一樣嘅係依然有長長嘅鐵板燒吧檯 今日食晏就無謂坐嗰啲位啦🙊除咗鐵板燒之外 都仲有刺身嘅選擇 望過去個放刺身嘅雪櫃 都見到啲刺身望落幾新鮮嘅 不過今日我都係想食啲熱野 所以叫咗呢個牛肉粒配飯🐮牛肉粒份量都唔少 鋪滿半隻飯碗 而且每粒都唔會有筋 唔會韌 黑椒味都幾重 如果淡味返少少會啱我胃口啲 不過都唔算太重口味嘅 仲有少少炒雜菜伴碟 都算係健康返少少😗呢個價錢算係好抵食 keep到以前嘅水準 真係個午餐嘅好選擇😺

一入店鋪老闆已經勁熱情咁强調“今晚冇人呀，可以慢慢食”😂又好熱情介紹啲菜單、有咩新鮮貨咁嚟食刺身壽司專門店，當然要一試啲刺身如何鮮法今晚嘅餐單包括有令和生蠔富有杮沙律鮮帶子壽司軟殼蟹卷三文魚刺身美國安格斯牛扒(粒)厚燒炸蝦拉麵想講生蠔除咗好大隻之外，仲超級新鮮食完口腔會保留陣陣鮮蠔味鮮帶子壽司雖然細粒咗啲，一口入但夠厚身，而且都好新鮮三文魚刺身老闆幫我哋order咗半刺身半腩除咗都係嗰句新鮮之餘，刺身係厚身到入口啖啖肉另外要讚個格斯牛扒(粒)厚燒做到真5成熟之餘，仲保留到牛嘅肉汁煮到啲牛粒軟淋淋，好味而其他食物都有返咁上下質素如 富有杮沙律嗰種杮係爽口軟殼蟹卷大大舊，食到入口口感豐富炸蝦拉麵湯底算濃，炸蝦都算大隻(不過當然冇得同拉麵專門店嗰啲比啦)同埋以刺身壽司專門店嚟講，價錢算中等3個人埋單$8XX，即每人$2XX到以新鮮度、食物質素各項哩間性價比算中高

我們三人要分開坐, 因為限聚令, 只可二人同桌, 而且要距離1.5米, 我同老公不約而同叫牛柳粒飯, 都不約而同都唔敢相信...... 好平, 我們的牛柳粒飯配面豉湯, 只是HK$ 42, 仲要份量足, 味道不錯, 又熱又夠軟身, 大大碗, 又有菜,  而囝叫親子飯, 忘記幾錢, 因為成張餐牌都好平。後尾我囝想飲汽水, 餐牌上無, 我問幾錢, 竟然支裝可樂只收HK$ 6  !  真係不知幾多年前先有的價格了 ?  怎麼咁平, 但食客咁少 ?  我覺得可能餐廳定位有問題,  要求高質的客又覺得唔夠好味,  要求平宜的客又唔知佢地LUNCH 咁大份。我覺得性價比很高, 三人HK$14X。

週日留家抗疫⋯打完機特别想食魚生！心諗邊有店舖可以整外買呢⋯反正要買飯就去睇吓有冇得買啦！！鐵板十三果然無令我失望⋯超哥唔該一客雜錦剌身飯⋯50元再加上生薑豚肉燒飯⋯48元未夠都係加個日式豬軟骨烏冬⋯要一家四口一齊食飽也不用二百元！好滿足呀！

心血來潮想試鐵板燒，就見到呢間鐵板十三，價錢相對較其他鐵板燒餐廳平，所以就試一試佢啦星期六夜晚唔算多人，我地好快入座 我地叫左個帶子皇鐵板餐。食鐵板燒...最緊要食鑊氣..食物要有少少焦香味...加埋師傅嘅專業廚藝...食之餘有視覺上的觀賞..猶如一場高潮迭起的音樂饗宴。餐廳東主都細心，俾左個沙律同麵豉湯我地食住先，女友覺得有啲咸..但我覺得正常。之後就開始食主菜啦 首先食左個煎香草龍脷柳 食唔到冰鮮味 外層香脆 魚肉都算嫩滑，係幾好嘅！輪到重頭戲 帶子王 落一牛肉同鼓油去煮，帶子大大粒 肉質鮮甜 唔錯！仲有薄燒牛肉 我地叫左五成熟 牛肉包住蔥同炸蒜去煎 好快食得 呢個食法都係第一次 估唔到咁好食，肉質感覺係偏高級嘅...咬落去有肉汁..食到有肉香味。食埋個炒飯同炒野菜已經好飽...最後甜品以jelly作結 賣相麻麻 個甜品係藥水味既..價錢雖然比其他鐵板燒便宜少少..但是份量或菜式可以再多一些..感覺很快就食完...以及鐵板燒的位置不大..如果店內裝修更美一些，感覺會食得更開心！

座位安排極度十分差，老闆娘唔休做的明明我們已有6個人站在餐廳等待安排座位（本身已有十多人已入座），但因為餐廳座位有限要分開座。但後來有第二批客人進來，有8位竟然發現餐廳再入面有座位供8 位坐，卻沒有替我們安排座位，由得我們企係度。這算是甚麼態度？最後我們六人當然也沒有幫襯！其實早前已有在舊鋪用餐的體驗，當時落單時及安排座位態度已經極差及惡劣，諗住現在搬了新鋪會好一點，怎知人都是一樣沒有改變，態度仍是一樣惡劣！

鐵板十三 午市飯麵 很一般日式炸蝦4隻 豚肉湯拉麵 $45吉列炸虾 香 脆 虾肉大隻湯底香 但拉麵硬 唔夠熱配炒雜菜 冇紫菜冇竹筍汁燒銀雪魚 $65 (明示要等15分鐘)配白飯 炒菜 麵豉湯 銀雪魚2小片 冇調味魚肉腥生薑豚肉燒 $40 配 白飯 炒菜麵豉湯~配料唔多 2粒豆腐仔豚肉片8片見師傅鐵板燒即做夠鑊氣 洋蔥味濃香 冇薑味 肉嚡