起鍋

Open Now

Now Closed

這兩年不知是租金還是食材便宜了，出現左好多高汁高CP值火鍋。$4-500一個頭，可以食到海鮮刺身、靚牛，仲要食到捧住個肚走。好店又抵吃，是值得被推介的。 3女1男剛好點到四人餐，十分豐富。起鍋最吸引我嘅地方係市場少有嘅東南亞風情，本身點個冬陰功火鍋湯底，不過同行太多友人唔辣得，就叫左個椰子雞花膠湯底。未打邊爐先嘗一口，超正！用停唔到口要飲多碗先肯淥野。值得一讚的是….成個湯底（以及成餐）明顯是真材實料無！味！精！呢個十分重要，友人食足三小時，一個椰青都飲唔哂，平時去其他地方食有味精好快要加嘢飲，淨係呢點已足夠我地下次再encore! 雖然order 唔到東南亞風情火鍋湯底，但絕世混醬區有十分多香料及醬汁，包括青檸、魚露、檸檬草、香茅….就這樣我也還了一個東南亞風情的心願。推介食物🥢海鮮拼盤：象拔拔刺身，十分鮮甜，吃得出有多新鮮! 生蠔🦪蟶子及蝦都淥完後再吃都吃得出是新鮮貨。🥢自家制的水餃及丸有多種不同口味的水餃及丸選擇，有些會混入香料或配菜做mix and match, 例如九層塔蝦丸、梅菜豬肉丸，款款都各具特色。但令人最難忘的，是廚師的手勢，可以整到每款丸及餃都十分彈牙，實在難得！