Video
Read full review
2022-12-19
64 views
天氣轉涼，又係周圍去搵好地方打邊爐食好野的時候，元朗出名多好野食，今日我地同朋友揸車入去搵餐廳時見到80年代懷舊戲院主題火鍋店，門口燈牌非常有派頭，決定入去試一試😋餐廳樓底好高，裝潢設計與店面門口一致，以80年代的風格設計，有一種懷舊氣息。空間感十足，座位好寬敞，好舒適！店內有好多打卡位，有戲棚花燈式設計的打卡位，霓虹燈閃爍好有歡樂感，吸引不少食客拍照留念。店內見到有幾間房：叁淥城寨、叁淥邨、叁淥大排檔，房名好有趣，聽店員介紹先知原來呢度有K房及VIP房的服務，一次過滿足唔同朋友的要求！店員細心推介四款主打火鍋：泰國椰子雞湯（新鮮椰子汁）、醬爆龍蝦雞煲（澳洲龍蝦）、胡椒雞煲蟹（本灣蟹）及花膠海班魚湯，全部食材新鮮，入貨量不多，維持食材的鮮期及質量。最後我地叫左胡椒雞煲蟹（小辣），新鮮雞什拼盤（雞腸、雞心、雞腎及雞肝）、新鮮本地手切牛小排，手打蟹籽墨魚丸（半份）、黃金南瓜條、即炸紫菜響鈴、田園菇菜拼盤及飲品：蜜桃梳打及白雪公主。🌟胡椒雞煲蟹🦀（小辣）惹味雞煲上枱後，店員會幫手將雞件炒勻至入味，微焦的雞肉看上去更有食欲。 一路望住炒的過程，我已經流曬口水了🤤。 雞肉都好正，肉質好滑，散發陣
餐廳樓底好高，裝潢設計與店面門口一致，以80年代的風格設計，有一種懷舊氣息。空間感十足，座位好寬敞，好舒適！店內有好多打卡位，有戲棚花燈式設計的打卡位，霓虹燈閃爍好有歡樂感，吸引不少食客拍照留念。店內見到有幾間房：叁淥城寨、叁淥邨、叁淥大排檔，房名好有趣，聽店員介紹先知原來呢度有K房及VIP房的服務，一次過滿足唔同朋友的要求！
店員細心推介四款主打火鍋：泰國椰子雞湯（新鮮椰子汁）、醬爆龍蝦雞煲（澳洲龍蝦）、胡椒雞煲蟹（本灣蟹）及花膠海班魚湯，全部食材新鮮，入貨量不多，維持食材的鮮期及質量。
最後我地叫左胡椒雞煲蟹（小辣），新鮮雞什拼盤（雞腸、雞心、雞腎及雞肝）、新鮮本地手切牛小排，手打蟹籽墨魚丸（半份）、黃金南瓜條、即炸紫菜響鈴、田園菇菜拼盤及飲品：蜜桃梳打及白雪公主。
🌟胡椒雞煲蟹🦀（小辣）
惹味雞煲上枱後，店員會幫手將雞件炒勻至入味，微焦的雞肉看上去更有食欲。 一路望住炒的過程，我已經流曬口水了🤤。 雞肉都好正，肉質好滑，散發陣陣焦香，色香味俱佳。秘醬胡椒勁惹味，香而不辣，本灣肉蟹好大隻🦀，啖啖肉，蟹肉細嫩鮮甜。
🌟新鮮本地手切牛小排🥩
牛小排的肉紋理好靚， 呈現粉嫩顏色的肉質，油脂分佈均勻， 入口即溶，口感滑溜，滿口都是牛肉和油脂的香味，實在太美味了。牛肉味道非常濃郁， 口感軟腍， 非常香滑。
🌟手打蟹籽墨魚丸（半份）
口感很細膩， 咬起來很有彈性👍🏻， 配上蟹籽，口感層次豐富，味道更清爽， 鮮甜，好滿足！
🌟新鮮雞什拼盤（雞腸、雞心、雞腎及雞肝）
因為新鮮的雞什唔易遇到，喜歡食內臟的朋友一定要試下，質韌脆嫩，口感好！份量足，仲有個小筲箕仔裝住，以防走失，好細心的設計。
🌟黃金南瓜條、即炸紫菜響鈴😍
黃金南瓜條，外表香脆，內裡軟腍香甜，好岩做開胃前菜。響鈴也是必點的，即叫即炸黃金響鈴脆卜，每條響鈴都包含紫菜，上枱時見到好似濕濕地以為係淋嘅，但原來超脆，又不會太油膩感。直接食都得，好正！
🌟田園菇菜拼盤及飲品：蜜桃梳打及白雪公主
蔬菜拼盤有生菜、西洋菜，粟米、鮮菇， 份量好多，食到好飽好飽！
飲品亦好大杯，唔會好甜，岩岩好，配以打邊爐一流！
整體而言，餐廳的食材好新鮮，份量足，擺盤亦有心思，服務一流，值得再來過！正😄
1 views
0 likes
0 comments
秘制配料
1 views
0 likes
0 comments
黃金南瓜條
1 views
0 likes
0 comments
胡椒雞煲蟹🦀（小辣）
6 views
0 likes
0 comments
胡椒雞煲蟹🦀（小辣）
4 views
0 likes
0 comments
即炸紫菜響鈴
4 views
0 likes
0 comments
新鮮雞什拼盤（雞腸、雞心、雞腎及雞肝）
3 views
0 likes
0 comments
手打蟹籽墨魚丸（半份）
2 views
0 likes
0 comments
飲品：蜜桃梳打及白雪公主
1 views
0 likes
0 comments
新鮮本地手切牛小排
12 views
0 likes
0 comments
田園菇菜拼盤
2 views
0 likes
0 comments
即炸紫菜響鈴
2 views
0 likes
0 comments
Post
