Video
Read full review
2018-12-24
185 views
放工時段嘅觀塘真係多人到可怕，老公話帶我上樓上舖食晚餐，提早慶聖誕環境: 在樓梯嘅裝飾已經覺得好靚，上到去見到地方好大，餐桌好寬敞，佈置充滿少女田園風，仲加埋聖誕裝飾，好有氣氛~食物：忌廉南瓜湯係我老公至愛嘅西湯，佢話好重南瓜味又唔會太過糊狀，而且餐飽軟綿綿，好適合用嚟點南瓜湯，相比之下我個雜菜湯就感覺平凡咗，不過我覺得好開胃。主菜係神秘晚餐，咁即係咩呀？我地雖然鐘意試新嘢，但係無乜冒險精神，所以問定先嗌。職員姐姐話今日係法式豬鞍配蘑菇汁，平時食過羊鞍，未試過豬鞍呢，梗係試下啦!豬鞍非常入味，唔洗點汁就咁食已經好好味，而且淋得嚟入面好多肉汁，唔會好似 __ __ 嗰D用鬆肉粉嗱到肉都爛咁比人食。加個焗蕃茄比你梅花間竹咁食，越食越開胃~我就叫咗香煎三文魚柳配藜麥沙律。初時仲驚魚柳會得好少唔夠食，到上菜時見到，根本就係成塊三文魚扒，今次發達~魚皮煎得好脆口，魚肉就僅熟，每一啖都食到甜甜地嘅魚油，好嫩滑，一啖魚一啖沙律真係正！健康又好味~最後原來叫特飲都係加$5，梗係試下啦！我叫咗藍柑檸檬梳打，味道係唔錯嘅。老公就叫咗焦糖咖啡，甘味同甜味都剛剛好，佢話好滿意。呢度晚餐有提供沙律及甜品自助ba
老公話帶我上樓上舖食晚餐，
提早慶聖誕
環境:
在樓梯嘅裝飾已經覺得好靚，
上到去見到地方好大，
餐桌好寬敞，佈置充滿少女田園風，
仲加埋聖誕裝飾，好有氣氛~
食物：
忌廉南瓜湯係我老公至愛嘅西湯，
佢話好重南瓜味又唔會太過糊狀，
而且餐飽軟綿綿，好適合用嚟點南瓜湯，
相比之下我個雜菜湯就感覺平凡咗，
不過我覺得好開胃。
主菜係神秘晚餐，咁即係咩呀？
我地雖然鐘意試新嘢，
但係無乜冒險精神，
所以問定先嗌。
職員姐姐話今日係法式豬鞍配蘑菇汁，
平時食過羊鞍，
未試過豬鞍呢，
梗係試下啦!
法式豬鞍配蘑菇汁
13 views
0 likes
0 comments
豬鞍非常入味，
唔洗點汁就咁食已經好好味，
而且淋得嚟入面好多肉汁，
唔會好似 __ __ 嗰D用鬆肉粉嗱到肉都爛咁比人食。
加個焗蕃茄比你梅花間竹咁食，
越食越開胃~
我就叫咗香煎三文魚柳配藜麥沙律。
初時仲驚魚柳會得好少唔夠食，
到上菜時見到，根本就係成塊三文魚扒，
今次發達~
魚皮煎得好脆口，
魚肉就僅熟，
每一啖都食到甜甜地嘅魚油，
好嫩滑，一啖魚一啖沙律真係正！
健康又好味~
最後原來叫特飲都係加$5，
梗係試下啦！
我叫咗藍柑檸檬梳打，
味道係唔錯嘅。
老公就叫咗焦糖咖啡，
甘味同甜味都剛剛好，佢話好滿意。
呢度晚餐有提供沙律及甜品自助bar，
但係我同老公都食到好飽，好滿足，
都無咩幫襯個自助bar。
有機會再做豬鞍的話，真係要試！好好食。
服務：
大致服務殷勤友善，
上菜收碟速度快捷，
還特意介紹沙律及甜品自助bar，
適時添加食材。
Post
