德美壽司

Open Now

Now Closed

徳美壽司係港九新界都有分店，一共有6間。喺香港咁多日式料理餐廳嘅競爭之下，都有6間分店，就估到佢水準都唔會低。果然一放工拿拿聲去到，已經差唔多滿座！好彩一早book咗位。好欣賞佢雖然店舖唔大，但尊登設一個開放式吧台位，睇到四位師傅好忙碌咁處理緊刺身。感覺好專業！Menu嘅選擇好多，真係要睇一輪先揀得落！我哋揀咗：👍🏼炸溫泉蛋平時比較少見。食落完全無油膩感，炸粉亦好薄，外面脆裡面軟，最入就流心，食落感覺好有趣。而且食得出係日本蛋，因為新鮮蛋味好出！👍🏼牛油果軟殼蟹手卷最正當然係好大嚿軟殼蟹！而且炸得好夠脆，正！壽司飯好標準，都唔會太醋酸，唔會太凍或太暖，掩蓋材料味。👍🏼明太子茶漬飯極度推薦！特別係佢嘅明太子唔係散哂一堆醬咁，而係原條上！咁撈落啲湯到都唔會沉晒底！少少辣，加埋鹹鮮味，加好香嘅茶漬飯，真係成碗連湯食哂！👍🏼田樂麵豉烤茄子非常有驚喜！估唔到係甜甜地麵豉，配燒香茄子如此夾。茄子亦都燒到外皮夠香夠乾，但茄子肉就仍然好Juicy。諗埋單，原來仲有每人一小份甜品送。係芒果汁配牛奶布丁，畫龍點睛！結論係，值得回頭再食！