原味棧 (Closed)

由細到大都係九龍城區長大，中小學都喺土瓜灣，屋企又住喺紅磡，所以對呢個區真係好有歸屬感。唔講唔覺，原來有個崇潔街美食區。佢位於土瓜灣同黃埔中間，好彩我係地膽，先帶到朋友去食呢一間看似平平無奇，實質臥虎藏龍嘅火鍋店。一入門口，就見到好多好新鮮嘅海鮮喺魚缸裏面。間舖唔算好大，由於我哋兩個人揀咗任食火鍋，所以店員將隔離個兩張枱拍埋過嚟等個爐同啲嘢食有位擺。我哋叫咗火焰臺山五味醉鵝 (按人頭計分量，每位另加HK$30)開頭滾左一陣，店員就打開蓋，將少少白酒倒入煲中，再點火。陣陣酒味連同鵝嘅香味隨着飄至鼻中，淡淡既酒味滲入肉質厚實嘅鵝肉同埋枝竹，再點埋自己溝出嚟嘅醬，為呢啲食材增色不少。同平時嘅雞煲一樣，食完之後店員就加湯落煲方便我哋打邊爐。令我最意想不到就係餐廳贈送既海鮮拼盤，包括龍蝦(每人半隻)、蝦、象拔蚌等等，仲有識郁嘅花蟹添，啲海鮮真係好新鮮！餐廳仲贈送咗手切牛，冇平時嘅肥牛咁多脂肪，色澤紅潤，相對上肉質較為堅韌。呢啲海鮮同牛都唔係任叫嘅。而點菜紙上嘅食物就係任叫任食，包括雞牛肉、芝士腸、魚蛋等等，菇比預期中好食，冇諗過豆腐竟然用百福豆腐，都幾揼本。餐廳仲附送左一個蔬菜拼盤，每樣蔬菜份量