Bacchus (Closed)

侍應介紹菜單暫時同12月一樣，只係鵝肝意大利飯轉左做帶子意大利飯，apple crumble變左做opera cake。前菜巴馬火腿沙拉卷，巴馬火腿包住沙律菜，加埋松露醬，有咬口又好味。法式洋蔥湯味道香濃，熱辣辣幾好飲，麵包都幾鬆軟。帶子意大利飯擺盤幾靚，帶子新鮮，肉質軟熟，煎得又夠香。意大利飯軟硬度剛剛好，醬汁都夠濃郁杰身，好好食。跟住係另一道主菜蘋果茴香香煎鱸魚，魚皮煎得甘香脆身，仲有帶子同大蝦添！大蝦肉質緊實，證明夠新鮮！同埋真係要讚下佢地既擺盤，碟碟都幾精緻～最後係甜品opera cake,朱古力味香濃又唔會太甜，口感濕潤唔乾身，又係好好食，值得再黎！