倫哥火鍋私房菜 (Closed)

今晚真係一次過滿足晒我三個願望：雞煲，海鮮鍋同刺身「吃到飽」！首先一坐低，侍應哥哥已經奉上一個象拔蚌刺身，佢話呢個係慶祝倫哥三週年送既！雖然係送，但食落好鮮甜好新鮮!正！之後佢送上個生果拼盤連生果醋，感覺好清新，淸左之前刺身嘅味蕾。望吓牆上嘅poster先發現原來呢個水果有名堂，叫「風山水起」，介紹佢係飯前吃水果配果醋的好處，幫助消化！再上嘅係一個蠔汁鮑魚炆冬菇，好入味。終於到主菜啦，侍應哥哥好細心教我地，雞煲要每隔兩分鐘炒一次，共炒四次，就可保持雞既鮮嫩。之後到一半再加埋牛柏葉豬皮同魷魚，d料就會夠晒入味架啦！中間待應哥哥一路幫我地炒，我地一路聼到煲裡面傳黎既支支咋咋聲，好過癮。每次開爐嗰陣雞煲味湧出嚟，香到好想即刻夾！失體死人！hehe! 魷魚加埋d雞汁真係爽口彈牙，d雞仲可以免費任加！問你死未？！食完雞煲仲有個海鮮拼盤！海鮮拼盤有BB象拔蚌，貴妃蚌，龍躉片，脆肉魭，魷魚片，生蠔，蟹，大花甲同蜆肉。大中細蜆全部一家人齊齊係哂度！仲要加埋我最愛既牛頸脊一大盤！我呢個牛魔王極力推介，個牛好鬆軟好有牛味！完全估佢唔到！配埋個時令水果鍋，好特別! 個湯底好清唔油膩，唔使點豉油醬汁都已經好好