美味廚 (Closed)

今日星期六，下午獨自一人去銅鑼灣交收，做完嘢都三丶四點，實在肚餓，亂行一通之下去到銅鑼灣名店坊，搵到一間食上海嘢嘅餐廳，環境舒適， 地方又乾淨 ，價錢又平民，向咁旺嘅地區，就有如甘露，姑且入去試一試，見其他人客，好多都食排骨菜飯，當然我都叫左客，果然厚切嘅排骨炸得外脆內軟，仲食到肉汁，真係大方D俾個讚佢，如果碗菜飯加強返個口感及味道，就very good 喇。食食下聽到隔離枱兩位食客講碗酸辣湯好好飲，我都好想試，可惜我個人嘅食力有限，下次一定會同多兩三位朋友一齊試多幾樣。