Explore Kitchen (Closed)

話說，我一個腳短同事難得地生長左對腳，緊係要出遠少少嘅地方食好西啦！呢間Explore Kitchen 之前同老公食過一次，可能佢地岩岩新開冇耐啦，啲野食係唔錯，但服務態度真係麻麻，所以一直都唔敢食第二次。但係呢排啲抵食扒嘅餐廳執得一間少一間... 冇計...又想帶我同事去食好少少，咁唯有俾多次機會佢啦咦！入到餐廳，個阿姨都算好態度，加上多左兩個後生幫手樓面，即刻好好多咁😂 我地都係照叫左扒据，$68真係幾抵食，仲要係好食架～又大塊（我同事果塊又厚又大塊） （我地一行6個人）個汁都做得好好食，唔似一般黑椒汁。佢個蘑菇湯同蒜茸包都好好食！我嘅腳短同事就叫左魚扒，都好軟滑，佢兩面好似用左蛋汁煎咁，防止佢煎到散收收，好食！ 我再加杯Mocha，佢杯mocha咖啡好重咁，好香，苦苦地，中意咖啡嘅人一定要試下佢地嘅咖啡，係幾好飲嘅。雖然埋單都要8十幾蚊，不過食佢嘅野，緊係要食埋佢嘅Service, 今次幾滿意，下次會再食！Ps: 我地預先佢一開門我就打去卜枱，好彩都有枱俾我地。 餐廳啲位唔算多，人就愈黎愈多。