美味故事 (Closed)

之前搭巴士經過，見呢間樓上舖喺玻璃窗貼住有免覑漂白水提供。心諗，呢間係一間有良心既店，一定要搵次黎幫襯下。終於最近喺旺角返工，行過黎食 lunch 都唔遠，有機會食了～上到去環境好好，枱與枱之間唔迫，而且近窗嗰邊係 tatami 座位（但不用除鞋）又好特別。食左個芝士肉醬焗薯+蟹柳沙律餐，頭盤既菇湯好足料，焗薯就略乾，如果加啲沙律醬或 yogurt 會好啲，餐飲杯熱橙茶就甜左啲（不過可以加熱水），總括黎講係不過不失既。我會再幫襯（想試其他菜式）。