Liberty Coffee & Wine

Open Now

Now Closed

放假想去電影中心睇場戲，隨意想找附近的cafe小店食個all day，見到呢間幾多like，加上黃店更加想支持下。餐廳有兩層，用餐地方較細，但可能我去時係中午時段唔多人，坐得舒服，而且望住窗外熙來攘往的馬路，與店內寧静悠閑的格調對比極大。開放式的小水吧，感覺猶如去咗歐洲的cafe。主打要試佢地個all day breakfast，個人對於有薯餅的all day 總會額外加分，牛角包是軟軟的那種，牛油味濃，滑疍加入適量黑松露不會嗆了疍味，炒菇菌、肉腸、煙肉、蕃茄也是真心製作唔係hea造，食材新鮮有質素。近排戒奶，叫了Americano, 加$3有大杯，咖啡味濃但唔苦。價錢不算平，正常食all day 嘅價錢但符合質素。店員後生有禮貌，而且很有活力。希望年青人繼續做好間cafe等多啲人懲罰佢。如想在鬧市中找個地方抖抖氣、飲咖啡，這𥚃值得推薦。