Video
Read full review
2024-11-01
84 views
喺鰂魚涌太古坊附近返工都知，平日lunch hour要搵個靜嘅地方坐下，仲難過cut有線寬頻。偏偏呢度有一間coffee shop，靜靜地播音樂，仲有有相當嘅自然光，令人坐得好舒適。“阿啡”呢度有各式各樣嘅咖啡，除咗奶啡，佢仲有好多特別咖啡豆做手沖，仲有啲特飲，同埋少量甜點鹹點。不過要注意佢座位唔多，幾個人已經可以令佢滿座😅。Yuzu Earl Grey Blackaccino $55呢期嘅特飲。用上柑桔蜜糖、冷萃伯爵茶、americano混合而成嘅凍特飲。首先好明顯感受到蜜糖同柑桔嘅酸度，佢同伯爵茶黑咖啡之間嘅配合亦恰到好處，亦比較少咖啡嘅澀味，可以話係容易入口之選。Kimchi Cheese Bagel $40佢嘅bagel有分鹹甜。而今次嘅Kimchi Cheese當然係鹹點。Bagel覺得夠熱亦鬆軟，唔會好硬。泡菜同芝士味亦好足夠。份量上同一個proper sandwich差唔多，當做一個quick lunch亦足夠。Matcha Latte (Large) $55一睇就知個拉花非常複雜，但其實佢更勁嘅地方係個抹茶latte本身。個奶泡打得好滑，奶味好出，但亦唔阻擋抹茶味嘅發揮
“阿啡”
呢度有各式各樣嘅咖啡，除咗奶啡，佢仲有好多特別咖啡豆做手沖，仲有啲特飲，同埋少量甜點鹹點。不過要注意佢座位唔多，幾個人已經可以令佢滿座😅。
Yuzu Earl Grey Blackaccino $55
呢期嘅特飲。用上柑桔蜜糖、冷萃伯爵茶、americano混合而成嘅凍特飲。首先好明顯感受到蜜糖同柑桔嘅酸度，佢同伯爵茶黑咖啡之間嘅配合亦恰到好處，亦比較少咖啡嘅澀味，可以話係容易入口之選。
Kimchi Cheese Bagel $40
佢嘅bagel有分鹹甜。而今次嘅Kimchi Cheese當然係鹹點。Bagel覺得夠熱亦鬆軟，唔會好硬。泡菜同芝士味亦好足夠。份量上同一個proper sandwich差唔多，當做一個quick lunch亦足夠。
Matcha Latte (Large) $55
一睇就知個拉花非常複雜，但其實佢更勁嘅地方係個抹茶latte本身。個奶泡打得好滑，奶味好出，但亦唔阻擋抹茶味嘅發揮。抹茶味濃之餘係會感受到少少甘香，相當出色。明顯佢用嘅抹茶粉相當多，我連抹嘴都要啲時間😆。
呢度就好似鬧市中嘅綠洲，如果我有時間，一定會嘆杯手沖，試吓佢唔同特色嘅咖啡豆，可惜我只有一個quick lunch嘅時間…
好啦，飲完咖啡，番工。
Post
