Video
Read full review
2023-10-23
34 views
今個周末相約朋友去呢間手工啤酒專門店🍺，除咗想試下手工啤之外，仲超想食佢哋嘅brunch🥐，因為份量足夠並且款式夠多，總有一款啱心水😜，而佢哋嘅裝飾佈置以啤酒嘉年華為主題🥳，打造成遊樂場嘅氣氛🎠，置身其中心情會不知不覺輕鬆起來😙🍽Marine All Day Combo份量超充足而且食物種類豐富，睇見已經開心；盲曹魚柳外皮煎得香脆，魚肉又嫩滑，配合清新唔膩嘅菠菜忌廉汁一齊食非常夾，蝦肉爽彈，三文魚煙燻味濃而且唔會過鹹，配合烘得香脆嘅多士一齊食都唔錯；仲有烤蕃茄、茄汁焗豆、生果粒粒、沙律菜及兩隻大大隻嘅太陽蛋，食完非常滿足😝🍽Steak & Eggs牛板腱叫咗五成熟，煎得啱啱好，唔會太肥又有口感，肉味濃又juicy，配搭香草薄荷醬非常清新，牛角包外脆內鬆軟，有酒店級數👍🧇Happy Day Waffle 外脆而內裡鬆軟，配搭埋雲呢拿雪糕一齊食，冰火感覺好正食住brunch，當然要嘆下手工啤，款式有成28款之多，心大心細，最終叫咗👇🍺Dragon Fruit Session Sour紅色色澤非常明亮吸睛，雜莓味道芳香，酸酸地清新又醒胃，配合牛扒一齊食非常之夾🍺Pinata Summer聞落
🍽Marine All Day Combo
份量超充足而且食物種類豐富，睇見已經開心；盲曹魚柳外皮煎得香脆，魚肉又嫩滑，配合清新唔膩嘅菠菜忌廉汁一齊食非常夾，蝦肉爽彈，三文魚煙燻味濃而且唔會過鹹，配合烘得香脆嘅多士一齊食都唔錯；仲有烤蕃茄、茄汁焗豆、生果粒粒、沙律菜及兩隻大大隻嘅太陽蛋，食完非常滿足😝
🍽Steak & Eggs
牛板腱叫咗五成熟，煎得啱啱好，唔會太肥又有口感，肉味濃又juicy，配搭香草薄荷醬非常清新，牛角包外脆內鬆軟，有酒店級數👍
🧇Happy Day Waffle
外脆而內裡鬆軟，配搭埋雲呢拿雪糕一齊食，冰火感覺好正
食住brunch，當然要嘆下手工啤，款式有成28款之多，心大心細，最終叫咗👇
🍺Dragon Fruit Session Sour
紅色色澤非常明亮吸睛，雜莓味道芳香，酸酸地清新又醒胃，配合牛扒一齊食非常之夾
🍺Pinata Summer
聞落及飲落都好香西柚味，並帶爽澀嘅口感，偏有個性，好啱我口味，配合Waffle一齊食非常之夾
而家點任何一款brunch item，可以以$198享用120分鐘飲之放題，包括有特選手工啤、紅白酒、意大利氣酒、非酒精飲品等，最平嘅brunch item都只係$58🤩
置身遊樂場嘅場景，食完個brunch飲埋手工啤，心情靚爆🥰
Post
