串燒殿 (Closed)

近排迷上串燒，原來尖沙咀都有一間！呢度係QR code自助落單,好方便先進！環境都幾企理！🥢錫紙燒蒜蓉花甲花甲好新鮮，份量都足料！唔會淨係得啲殼。除咗蒜蓉之外，仲有孜然粉、辣椒粉調味，惹味鮮甜！🥢 汁燒白鱔,皇牌牛脷心,燒韭菜,燒秋葵燒豆卜汁燒白鱔同牛脷心都推介！白鱔肉厚，嫩滑又唔多骨,加埋燒汁甜甜地， 燒得剛剛好，好味！牛脷心肉味十足，口感爽韌， 一串有啲唔多夠喉。另外燒韭菜、燒秋葵、燒豆卜呢啲新鮮蔬菜都不錯🥢 燒雞皮,燒雞腎,燒肥牛金菇卷,燒翠玉瓜燒雞皮呢個真係好邪惡！但又超好味！！必叫！因為燒得好， 油脂都逼曬出嚟，成個雞皮都唔會好油膩，反而超級脆口，又富雞既香味，好邪惡但真係食過返尋味。其他都有水準。始終係尖咀，地點咁方便，應該有下次！